O‘zbekistonga 1,2 mln dozadan ortiq Pfizer vaksinasi olib kelindi

O‘zbekistonga yaqin kunlarda Pfizer/BioNTech va AstraZeneca vaksinalari olib kelinishi kutilayotgani haqida xabar berilgan edi. Sog‘liqni saqlash vazirligining ma’lum qilishicha, 13-sentabr kuni Toshkent xalqaro aeroportiga 1,2 million dozadan ortiq Pfizer/BioNTech vaksinasi yuklangan samolyot kelib qo‘ndi.

Ayni paytda O‘zbekistonda ZF-UZ-VAC2001, AstraZeneca, “Sputnik V” va Moderna vaksinalaridan foydalanilmoqda. Pfizer/BioNTech vaksinasi O‘zbekistonda qo‘llanilayotgan 5-vaksina bo‘ldi.

Shunday qilib, mamlakatga keltirilgan jami vaksina 24 002 540 dozani tashkil qilmoqda.

Ulardan:

• 1 342 480 dozasi AstraZeneca,
• 18 000 000 million dozasi ZF-UZ-VAC2001,
• 460 000 dozasi “Sputnik V”,
• 3 000 060 dozasi Moderna,
• 1 200 000 dozasi Pfizer/BioNTech vaksinasidir.

Vazirlik ma’lumotlariga ko‘ra, shu kungacha mamlakatda jami 16 861 167 doza vaksinadan foydalanilib, to‘liq emlangan fuqarolar 3 121 019 nafarni tashkil qilmoqda.

Mavzuga doir: Polsha O‘zbekistonga 250 ming doza koronavirusga qarshi vaksina yetkazib beradi