Krishtianu Ronaldu 36 yoshida terma jamoada gol urish bo‘yicha jahon rekordini yangiladi

Portugaliya terma jamoasi JCh—2022 saralash bosqichining 4-turi doirasida o‘z maydonida Irlandiyani mag‘lub etdi (2:1).

Uchrashuvning 89 va 90+6-daqiqalarida mezbonlar hujumchisi Krishtianu Ronaldu o‘z nomiga ikkita gol yozdirib qo‘ydi. Shu tariqa 36 yoshli futbolchi terma jamoadagi gollari sonini 111 taga yetkazdi va bu borada Eron terma jamoasining sobiq hujumchisi Ali Daini (109) ortda qoldirib, jahon rekordini yangiladi.

Shuningdek, Ronaldu Yevropa terma jamoalarida o‘tkazilgan o‘yinlar soni bo‘yicha Serxio Ramosning rekordini takrorladi. Irlandiyaga qarshi o‘yin Krishtianu uchun terma jamoa libosidagi 180-uchrashuv bo‘ldi, Ramosning hisobida ham xuddi shuncha o‘yin bor. Bu borada jahon rekordi 1969—1984-yillarda Malayziya terma jamoasida 195 ta o‘yin o‘tkazgan So Chin Aunga tegishli.