Bugun,

  • USD 11095.31
  • RUB 173.84
  • EUR 10772.44

O‘zbekiston shaharlarida sug‘orish tizimi qoniqarli emas. Bu haqda Shavkat Mirziyoyev raisligida o‘tkazilayotgan yig‘ilishda davlat rahbari so‘z yuritdi, deya xabar bermoqda “Daryo” muxbiri.

“Oktabr–noyabr oylarida 55 million dona, kelgusi yil bahor mavsumida avtomobil yo‘llari, dala chetlari, barcha aholi maskanlarida 70 million dona tut, pavlovniya, mevali va manzarali daraxtlar, shuningdek, tez o‘suvchi va boshqa ko‘chatlarni ekilishi shart.

Qoraqalpog‘iston, Qashqadaryo, Jizzax va Surxondaryo – 11 milliondan, Andijon, Buxoro, Navoiy, Samarqand va Farg‘ona – 10 milliondan, Namangan, Toshkent viloyati va Xorazm – 9 milliondan, Sirdaryo – 7,5 million, Toshkent shahrida – 1,1 million tup ko‘chat ekilishi zarur.

Misol uchun, Chiroqchi tumanidan o‘tuvchi Samarqand–Qarshi magistral yo‘lining 35 kilometr uzunlikdagi qismining har ikki tomonida tomchilatib sug‘orish yo‘li bilan 30 ming tup manzarali daraxt ekilgan.

Ushbu daraxtlarni parvarishlash uchun Jamoat ishlari jamg‘armasi hisobidan 140 nafar mahalliy aholi jalb qilingan. Natijada  ekilgan daraxtlarning 90 foizi ko‘kargan. Yoki Samarqand shahridagi 75 kilometr shahar irrigatsiya tizimini qayta tiklash orqali so‘nggi 2 yilda daraxtlarning qurib qolishi 90 foizga kamaygan hamda shahardagi havo harorati 2 darajaga pasaygan”, — dedi davlat rahbari.

Prezidentning qayd etishicha, boshqa hududlarda ekilayotgan daraxtlar parvarish qilinmagani yoki sug‘orish tizimi izdan chiqqani bois 60-70 foiz daraxtlar qurib qolmoqda.

“Misol uchun, Nukus shahrida – 70 foiz, Navoiy shahrida – 65 foiz, Namangan va Farg‘ona shaharlarida – 60 foiz irrigatsiya tarmoqlari ishdan chiqqan. Ayniqsa, Toshkent shahri tumanlari, viloyat markazlari va yirik shaharlarda daraxtlar va ekinlar mahalliy iqlimni inobatga olmasdan, pala-partish ekilayotgani bois kundan kunga qurib boryapti.

Tuman hokimlari obodonlashtirish va ko‘kalamzorlashtirish ishlarini o‘z holiga tashlab qo‘ygan, shahar ko‘chalari chiqindiga to‘lib ketgani bilan hech kimning ishi yo‘q. Qani tuman hokimi, qani sektor rahbari?”, – dedi Shavkat Mirziyoyev.

Izoh
Asosiy yangiliklar
Dunyo
Ilon Mask Twitter’da Apple reklamalari tiklanganini e’lon qildi
Dunyo
Turkiyaning Kizilelma qiruvchi droni ilk parvozni amalga oshirdi (video)
Dunyo
Xitoy Rossiyaga harbiy yordam ko‘rsatdimi?