Dunyo bo‘ylab 23-avgust kuni olingan sara suratlarni namoyish qilamiz.
Nepalda “Gay Jatra” festivali koronavirus pandemiyasi paytida nishonlandi. Nepallik ayrim dindorlar o‘tgan yili vafot etgan oila a’zolariga najot va tinchlik so‘raladigan diniy bayramni nishonladi.
Foto: EPA
Rossiyaning Achinsk shahrida yashovchi Viktor Sibirin nogironlar aravachasida 1280 kilometr uzoqlikdagi Baykal ko‘liga bordi. Safar 42 kun davom etdi.
Foto: “TASS”
Sochida Holi plyaj festivali bo‘lib o‘tdi.
Foto: “TASS”
Mavzuga doir: Pandemiyaga qaramay Hindiston ko‘chalarida ko‘tarinki ruhda o‘tkazilayotgan Holi bayrami — suratlarda
Xitoyning Bojou shahridagi o‘rta maktab stadioni dezinfeksiya qilinmoqda.
Foto: Getty Images
Mavzuga doir: Xitoyda koronavirus tarqalishi to‘xtatildi, Hindistonda dunyodagi birinchi DNK-vaksina ma’qullandi. Koronaxabarlar
Amerikaning Portlend shahrida bir yil oldin sodir bo‘lgan jinoyatlarga bag‘ishlangan xotira tadbiri tartibsizliklar bilan yakunlandi.
Foto: “TASS”
Londondagi Bukingem saroyida COVID-19 pandemiyasi boshlangandan beri birinchi marta qorovullarning o‘rin almashishi marosimi bo‘lib o‘tdi.
Foto: Getty Images
“Genri” to‘foni AQShning shimoli-sharqiy qirg‘og‘iga yetib keldi.
Foto: Getty Images
Gaitidagi zilziladan jabr ko‘rganlarga gumanitar yordam tarqatish jarayoni.
Foto: “TASS”
Mavzuga doir: Gaitidagi zilzila qurbonlari soni 1,9 mingdan oshdi. Zilziladan zarar ko‘rgan hududlarda suv toshqinlari yuz berdi (video)
Tokio osmonidagi to‘lin oy.
Foto: Reuters
AQShning Tennessi shtatida suv toshqini oqibatida kamida 21 kishi halok bo‘ldi, yana 20 kishi bedarak yo‘qoldi.
Foto: Getty Images
Londondagi “Teyt Modern” galereyasida ijodkor Fillida Barlouning nomsiz asarini tomosha qilayotgan odam.
Foto: EPA
Indoneziyada nishsiz arilar yetishtirgan asalni yig‘ib olayotgan fermer. Koronavirus bilan kurashishda immunitet tizimini kuchaytirishi mumkinligi haqidagi xabarlardan so‘ng pandemiya davrida mahsulotga talab oshdi.
Foto: EPA
Melburnda shaharning oltinchi lokdaunga kirishiga qarshi miting paytida yuziga politsiya tomonidan achchiq purkagich sepilgan namoyishchi.
Foto: Getty Images
AQSh Harbiy havo kuchlari ekipaji Hamid Karzay xalqaro aeroportida Afg‘oniston fuqarolarini evakuatsiya qilmoqda.
Foto: AFP
Mavzuga doir: Kobuldan Buxoroga evakuatsiya qilingan 200 nafarga yaqin Afg‘onistondagi fuqaro Vengriyaga olib ketildi
Nepal poytaxti Katmanduda shar sotayotgan ota va qiz.
Foto: EPA
Tayvanlik baliqchilar olov bilan baliqlarni jalb qilib, ov qilmoqda.
Foto: Getty Images
Indoneziyada chiqindi qutisidan topilgan shubhali paketni yo‘q qilganidan so‘ng bombani zararsizlantirish bo‘yicha mutaxassis (sapyor) voqea joyini tark etmoqda.
Foto: AP Photo
Xitoyning Guychjou provinsiyasida achchiq qalampirni quritayotgan qishloq aholisi.
Foto: Shutterstock
Rio-de-Janeyrodagi Ipanema sohilida ijtimoiy masofa saqlamagan olomon.
Foto: EPA
Buyuk Britaniyadagi asosiy yoqilg‘isi ko‘mir bo‘lgan “Ferribrij” elektr stansiyasining ikkita minorasi buzildi.
Foto: Shutterstock
Avvalgi kunlarning fotogalereyalari:
- Angela Merkelni guldasta bilan kutib olgan Putin, Germaniyaga yetib borgan afg‘on qochqinlari, dalalarda ochilgan paxta. 20-avgust suratlari
- Afg‘on ayollari huquqi uchun o‘tkazilgan namoyish, qayta “jonlantirilgan” tarixiy jang, sharsharadagi 3D tomosha. 19-avgust suratlari
- Toshkentga kelgan afg‘on bolalari, qoyadagi to‘y marosimi, Hindistondagi soyasiz kun. 18-avgust suratlari
- iPhone’da suhbatlashayotgan Mirziyoyev, Ashuro kunini nishonlayotgan shialar, feministlarning norozilik namoyishi. 17-avgust suratlari
- So‘nggi manzilga kuzatilgan muftiy, maktabga yo‘l olgan falastinlik bolalar, chorasiz qolgan afg‘on ayollari. 16-avgust suratlari
- Niqob taqib olgan yapon iblisi, yong‘indan so‘ng uyiga qaytgan turk, juma namozi uchun ochilgan masjid eshiklari. 13-avgust suratlari
- O‘zbekistondagi Trailblazer laqabli ho‘kiz, o‘rmon yong‘inlarida yetim qolgan ayiqcha, afg‘onlarga qurol o‘qtalayotgan AQSh harbiysi. Hafta suratlari
