Bugun,

  • USD 10920.28
  • RUB 177.49
  • EUR 11052.42

Yaponiya g‘arbida “Lupit” to‘foni sababli 290 mingdan ortiq aholiga xavfsiz joyga ko‘chib o‘tish tavsiya etildi. To‘fon ko‘chki va suv toshqinlarini keltirib chiqarishi mumkin. Bu haqda mahalliy ma’muriyat ma’lumotlariga asoslanib, NHK telekanali xabar berdi.

Foto: Getty Images

Telekanal ma’lumotlariga ko‘ra, tegishli tavsiyalar g‘arbiy Xirosima va Simane, shuningdek, markaziy Ayti prefekturalari aholisi uchun amal qiladi.

Shuningdek, Yaponiya aviakompaniyalari to‘fon tufayli janubi-g‘arbga uchadigan 63 ta reysni bekor qilgani ma’lum qilindi.

Yaponiya sinoptiklarining aniqlik kiritishicha, “Lupit” mamlakatning g‘arbiy hududlarini tark etib, shimoli-sharqqa qarab yo‘l olmoqda. Shamol tezligi 23 metr/sekunddan 35 metr/sekundgacha kuchayadi.

Bir kun avval Kyusyu orolining shimoliy qismida yashovchi 139 mingga yaqin aholi, Fukuoka prefekturasida yashovchi olti ming kishi, Oita prefekturasida ikki ming kishi, Kagosima prefekturasida 13 ming kishi evakuatsiya to‘g‘risida xabar olgan.

Iyul oyi oxirida Tokio kuchli “Nepartak” to‘foniga duch keldi. Shu munosabat bilan, Olimpiada tashkilotchilari to‘fon tufayli ochiq suvda suzish va triatlon dasturida suzish musobaqalari qoldirilishi mumkinligi haqida ogohlantirgan.

Avvalroq Xitoyda suv toshqini tufayli 100 ming kishi evakuatsiya qilingandi, metroni suv bosishi oqibatida 12 kishi halok bo‘lgan.

AQShning Oregon shtatida esa yirik o‘rmon yong‘inlari tufayli minglab odamlarni shoshilinch ravishda evakuatsiya qilishga to‘g‘ri kelgan.

Izoh
Asosiy yangiliklar
Sport
“Temur ham, Bobur ham Hindistonni aql bilan olgandi”. Twitter foydalanuvchilari shaxmat Olimpiadasidagi g‘alaba haqida
Dunyo
AQSH armiyasi yollanma askarlar tanqisligiga duch kelmoqda — Bloomberg
Madaniyat
Instagram: Tug‘ilgan kunini nishonlagan Shahzoda Matchonova, yangi mashinali bo‘lgan Aziza Xalilova, farzandli bo‘lgan Yulduz Nizomova