Bugun,

  • USD 11095.31
  • RUB 173.84
  • EUR 10772.44

Andijon viloyati bo‘yicha 2018-yilning 1-avgustidan 2021-yilning 30-iyuniga qadar jami 36 ming 645 nafar haydovchi harakat tezligini me’yoridan oshirishi natijasida fotoradarlarga tushgan. Bu haqda viloyat YHXB axborot xizmati ma’lumotiga tayanib, “Daryo” muxbiri Umidjon Mamarasulov xabar berdi.

Foto: Andijon viloyat IIB YHXB

Foto: Andijon viloyat IIB YHXB

Ta’kidlanishicha, sodir etilayotgan yo‘l-transport hodisalariga haydovchilarning yo‘llarda yo‘l harakati qoidalariga va belgilangan tezlikka rioya qilmasligi sabab bo‘lmoqda. Bunday salbiy holatlarning oldini olish borasida viloyat Yo‘l harakati xavfsizligi boshqarmasi tomonidan yo‘llarda xodimlarning yetarlicha xizmat olib borishlari tashkil etilgan. Shunday bo‘lsa-da, hududdagi barcha yo‘llarni qamrab olish hamda nazoratini olib borish imkoniyati bo‘lmayapti. Shu sababli avtomatik “onlayn” tarzda ishlovchi hamda tezlikni aniqlash imkoniyatiga ega foto-video fiksatsiyali kameralar o‘rnatilib, yo‘l-transport hodisalarining oldi olinmoqda.

Foto: Andijon viloyat IIB YHXB

Foto: Andijon viloyat IIB YHXB

“Viloyat hokimligi zaxirasidan ajratilgan mablag‘lar evaziga 2018-yilning sentabr oyida ‘Monitoring markazi’ va 7 dona qo‘zg‘almas avtomatik qoidabuzarlik kamerasi, 2019-yilning fevral oyida esa onlayn tartibda ishlovchi AvtoCon rusumli 4 dona mobil avtomatik tezlik o‘lchash kamerasi olib kelinib o‘rnatilgan. 2018-yilning 1-avgustidan 2021-yilning 30-iyuniga qadar ushbu avtomatik tarzda ishlovchi fotoradarlar viloyat bo‘yicha jami 36 ming 645 ta belgilangan harakat tezligini me’yoridan oshirish bo‘yicha qoidabuzarliklarni aniqlagan. Natijada belgilangan jarimalarning 8 milliard 926 million 285 ming so‘mi undirilgan”, — deydi viloyat YHXB xodimi Diyorbek Abdurazzoqov.

Qo‘shimcha qilinishicha, yil oxiriga qadar yo‘l-transport hodisalarining oldini olish, transport vositalarining harakatlanishi davomida yo‘l harakati qoidalariga amal qilishlarini avtomatik tarzda nazorat qiluvchi 10 dona fotoradar ham fotoradar mulyaji xarid qilish rejalashtirilgan bo‘lib, mahalliy budjet mablag‘lari hisobidan 3 milliard 200 million so‘m ajratish belgilangan.

Izoh
Asosiy yangiliklar
Mahalliy
O‘zbekistonda Urug‘chilik hamda pistachilik ilmiy markazlari tashkil etiladi
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Shou-biznes
Yillar davomida tanib bo‘lmas darajada o‘zgargan Gollivud aktyorlari (foto)