O‘zbekiston va AQSh o‘rtasida korrupsiyaga qarshi kurashda hamkorlik bo‘yicha hukumatlararo hujjatlar imzolandi
O‘zbekiston va AQSh o‘rtasida qator masalalar bo‘yicha hamkorlikni amalga oshirishni ta’minlaydigan hukumatlararo hujjatlar imzolandi. Bu haqda TIV matbuot xizmati xabar berdi.
Ma’lum qilinishicha, 4-avgust kuni O‘zbekiston Tashqi ishlar vazirligida korrupsiya, narkotik moddalarning noqonuniy aylanishi va uyushgan jinoyatchilikka qarshi kurashda hamkorlik qilish to‘g‘risida hukumatlararo hujjatlarni imzolash marosimi bo‘lib o‘tgan.
Hujjatlarni tashqi ishlar vaziri Abdulaziz Komilov hamda AQShning O‘zbekistondagi elchisi Deniyel Rozenblyum imzolagan.
Eslatib o‘tamiz, iyul boshlarida Abdulaziz Komilov Vashingtonda AQShning Afg‘oniston bo‘yicha maxsus vakili bilan uchrashgani, AQSh O‘zbekistonga tahdid soluvchi terroristik guruhlarga qarshi agressiv harakatlarni davom ettirishi to‘g‘risida xabar berilgandi.
Mavzuga doir:
