Rossiyalik erkak “Jiguli”ni g‘ildiraklar ustidagi ognemyotga aylantirdi (video)
Krasnodarda Vagan Mikaelyan ismli muhandis ijtimoiy tarmoqlardagi sahifasiga navbatdagi ixtirosining videosini joylashtirdi. U bu safar oddiy “VAZ-2106” avtomobilini harakatlanuvchi haqiqiy ognemyotga aylantirgan. O‘z ixtirosini “Ajdar” deb nomlagan erkak avtomobil janglarida qatnashishni niyat qilgan, deb xabar beradi Motor.
“VAZ-2106” avtomobilini “Ajdar”ga aylantirish uchun muhandis mashina yukxonasiga ichiga benzin to‘ldirilgan to‘rtta kanistrni joylashtirgan va ularni shlang bilan o‘zaro birlashtirgan. Mexanik olovni old faralar orqali purkashga qaror qilgan. Natijada modifikatsiyaga uchragan avtomobil g‘ildiraklar ustidagi haqiqiy ongemyotga aylanib qolgan.
Mikaelyanning so‘zlariga ko‘ra, “Jiguli”ning modernizatsiyasi tasodifan tanlanmagan. Mexanik noodatiy mashinani avtomobil janglari bellashuvlarida sinab ko‘rish niyatida. Olov purkaydigan “Ajdar” avtojanglarda raqib ishtirokchilarni yoqib yuboradi.
https://www.instagram.com/p/CSABqEVobf7/
Eslatib o‘tamiz, 2020-yilda Kosta-Rikada “VAZ-2106” JDM uslubida qayta yig‘ilayotgani, amerikalik erkak eski “VAZ-2105”ni 500 ot kuchiga ega “maxluq”qa aylantirgani to‘g‘risida xabar berilgandi.
