Bugun,

  • USD 10940.05
  • RUB 182.26
  • EUR 11121.65

Yaponiyaning Tokio shahri mezbonlik qilayotgan Olimpiya o‘yinlarida o‘zbekistonlik sportchilar 3-avgust kungi chiqishlarini yakunladi.

Foto: “Daryo”/ Husan Sobitov

Foto: “Daryo”/ Husan Sobitov

Yengil atletika

Uch xatlab sakrash musobaqasida ishtirok etgan Ruslan Qurbonov saralash bahslarida berilgan imkoniyatlardan unumli foydalana olmadi va musobaqani hech qanday natijasiz yakunladi.

Boks

Rio—2016 Olimpiadasi chempioni Shahobiddin Zoirov (-52 kg) chorak finalda filippinlik Karlo Palamga qarshi jang qildi. Dastlabki raund filippinlik bokschining foydasiga hal bo‘ldi. Ikkinchi raund o‘tib borayotgan bir vaqtda Zoirov jarohat oldi va jang muddatidan avval to‘xtatildi. Shu vaqtga qadar to‘plangan ochkolar hisobiga ko‘ra Palam g‘olib deb topildi.

Foto: Getty Images

Foto: Getty Images

Elnur Abduraimov (-63 kg) armanistonlik Xovxannes Bachkovga 0:5 hisobida imkoniyati boy berib qo‘ydi. -60 kg vazn toifasida harakat qilgan Rayhona Qodirova esa braziliyalik Beatriz Ferreyraga qarshi hech narsa qila olmadi va chorak finalda o‘z yurishini to‘xtatdi.

Shu tariqa O‘zbekiston boks delegatsiyasida medal uchun kurashadigan birgina vakil qoldi. Bahodir Jalolov yarim finalda ishtirok etadigan yagona o‘zbekistonlik bo‘ladi.

Yunon-rum kurashi

Rustam Assakalov (-87 kg) 1/8 finalda gruziyalik mashhur kurashchi Lasha Gobadzeni taslim etib, chorak finalga chiqdi. O‘zbekiston vakili yarim final uchun kechgan bahsda xorvatiyalik Ivan Huklekka yutqazib qo‘ydi. Huklek finalga chiqa olmadi va Rustam bronza uchun kurashishdan ham mahrum bo‘ldi.

Foto: MOQ

Foto: MOQ

Shu tariqa yunon-rum kurashida O‘zbekiston vakillari o‘z yurishini to‘xtatdi. To‘rt nafar sportchidan hech biri medalga sazovor bo‘la olmadi.

Og‘ir atletika

Akbar Jo‘rayev (-109 kg) o‘zining yorqin chiqishi bilan O‘zbekiston delegatsiyasiga navbatdagi oltin medalni taqdim etdi. Jo‘rayev dast ko‘tarishda 193 kg, siltab ko‘tarishda esa 237 kg toshni bo‘ysundirib, oltin medalga sazovor bo‘ldi. Akbar siltab ko‘tarish va ikki kurash (430 kg) bo‘yicha Olimpiada rekordini o‘rnatdi.

Foto: Getty Images

Foto: Getty Images

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak