Bugun,

  • USD 11014.01
  • RUB 191.8
  • EUR 10674.78

Rossiyaga ketgan o‘zbekistonliklarning ijtimoiy tarmoqlar orqali “Bizni qul qilib sotib yuborganmisizlar?” deb qilgan videomurojaati yuzasidan Senatning Yoshlar, madaniyat va sport masalalari qo‘mitasi tomonidan o‘rganish olib borilayotgani haqida xabar berilgan edi. Qo‘mita tomonidan ushbu masala yuzasidan Bandlik va mehnat munosabatlari vazirligiga so‘rov ham yuborilgandi.

Kadr: Videodan skrinshot

Kadr: Videodan skrinshot

O‘rganish natijalari hamda olingan ma’lumotlarga ko‘ra, qo‘mita quyidagilarni ma’lum qildi.

Tashqi mehnat migratsiyasi agentligi va Rossiyaning Karachayevo–Cherkesiya respublikasidagi “Yujniy agrokombinat” AJ o‘rtasida 2021-yil 14-iyun kuni kelishuv shartnomasi imzolangan. Shartnoma shartlariga muvofiq, 400 nafar fuqaro qishloq xo‘jaligi sohasida ishlashi uchun ish beruvchi tomonidan tanlab olinishi, ishga jalb qilinishi va ularing oylik maoshlari 33 ming rubldan 50 ming rublgacha tashkil etishi belgilangan.

Fuqarolarning aviachipta va hujjatlarni rasmiylashtirish (patent) xarajatlari ish beruvchi hisobidan to‘langan, ushbu xarajatlar keyinchalik fuqarolarning oylik maoshlaridan qisman ushlab qolinishi, fuqarolar 1 yil ishlasa, ushlab qolingan xarajatlar ish beruvchi tomonidan to‘liq qoplab berilishiga kelishilgan.

2021-yilning 16-iyun kuni ish beruvchi va Tashqi mehnat migratsiyasi agentligining Andijon viloyati filiali tomonidan tanlov o‘tkazilib, 150 nafar fuqaro tanlab olingan hamda 23-iyun kuni 63 nafari, 29-iyun kuni 22 nafari, 4-iyul kuni 16 nafari va 5-iyul kuni 42 nafari “Yujniy agrokombinat”ga mehnat faoliyatini amalga oshirish uchun yuborilgan.

Fuqarolar ish joyiga yetib borganidan so‘ng, Tashqi mehnat migratsiyasi agentligiga telefon orqali mehnat va yashash sharoitlari noqulayligi hamda pasport hujjatlari ish beruvchi tomonidan olib qo‘yilgani to‘g‘risida bir qator murojaatlar kelib tushgan.

Shu sababli, Tashqi mehnat migratsiyasi agentligi boshlig‘i o‘rinbosari boshchiligida ishchi guruh tuzilib, 2021-yilning 14-iyul kuni Rossiyaga uchib borgan va mazkur korxonada bo‘lgan.

Ishchi guruh korxona rahbariyati va fuqarolar bilan uchrashib, ularning murojaatlarida ko‘tarilgan masalalar bo‘yicha muzokara olib bordi.

Ish beruvchi fuqarolarning pasportlari migratsion qaydga qo‘yish va ishlash uchun patent rasmiylashtirish maqsadida olingani hamda fuqarolarning birinchi talabi bilan qaytarib berilishi ma’lum qilindi.

Korxona rahbari o‘zbekistonlik ishchilar bilan mehnat munosabatlarini qonunga muvofiq rasmiylashtirishi, barcha sharoitlarni yaratib berishi hamda bugungi kunda yana 500 nafar qo‘shimcha ishchi kuchi jalb qilish rejasi borligini ma’lum qilgan.

Hozirgi kunda mazkur korxonada 155 nafar O‘zbekiston fuqarolari mehnat faoliyatini amalga oshirayotgani, shundan 46 nafari 2019-yildan buyon Samarqand viloyatidan kelib ishlayotgani va 109 nafari Andijon viloyatidan 2021-yil iyul oyida kelgani ma’lum qilindi.

Ishchi guruh korxona rahbariyati bilan O‘zbekiston fuqarolarining yashash va mehnat sharoitlarini yaxshilash, oylik maoshlarini o‘z vaqtida to‘lab berish hamda hujjatlarni rasmiylashtirish jarayonini tezlashtirish bo‘yicha kelishuv dalolatnomasini rasmiylashtirgan.

Korxonada ishlayotgan O‘zbekiston fuqarolariga ushbu kelishuvning mazmun-mohiyati, oylik maoshlarini to‘lash tartibi, ish vaqti va hujjatlar rasmiylashtirish jarayonlari tushuntirilgan. Jumladan, fuqarolar videomurojaatida aytib o‘tilgan 125–130 rubl miqdoridagi maosh bir kunlik emas, balki bir soatlik ish haqi ekani ma’lum qilingan.

Shuningdek, yuqorida qayd etilgan videomurojaat bir soatga to‘lanadigan ish haqi bir kunga beriladi deb, noto‘g‘ri tushunish oqibatida 2021-yilning 15-iyul kuni, ya’ni murojaat yozgan fuqarolar ish boshlagan birinchi kunida olingani ma’lum bo‘lgan.

Bugungi kunda Tashqi mehnat migratsiyasi agentligi va uning Rossiyadagi vakolatxonasi tomonidan ushbu korxonada faoliyat olib borayotgan fuqarolar bilan muntazam ravishda aloqa o‘rnatilib, ularning yashash va ishlash sharoitlari doimiy nazoratga olingan, 2021-yil 29-iyul kuni korxonaga takroran ishchi guruh xizmat safariga yuborilgan.

Shuningdek, ijtimoiy tarmoqlarda yuqoridagi videomurojaat joylashtirilganidan bir kun o‘tib uning muallifi N.Nazirov tomonidan murojaatdagi vajlar asossizligi va anglashilmovchiliklar bo‘lgani to‘g‘risidagi murojaat ijtimoiy tarmoqlarga joylashtirilgan.

Izoh
Asosiy yangiliklar
Mahalliy
Rossiyadagi mehnat muhojirlari harbiy xizmatga majburiy chaqirilishi haqidagi mish-mishlar rad etildi
Dunyo
Belgorod viloyatining Ukraina bilan chegaradagi qishlog‘i o‘qqa tutildi. Oqibatda bir ayol halok bo‘ldi (video)
Mahalliy
“Davlat OAV erkinligi, axborot izlash, olish va tarqatish huquqlarini kafolatlaydi” — Konstitutsiyaning 67-moddasiga yangi normalar kiritilmoqda