Tokio—2020. Rio Olimpiadasi sovrindori Elmurat Tasmuradov asli o‘zbekistonlik kurashchiga yutqazib qo‘ydi, Mo‘minjon Abdullayev ham chorak finalda mag‘lub bo‘ldi

Tokio—2020 Olimpiadasida 1-avgust kuni ikki nafar o‘zbekistonlik kurashchi musobaqalarda qatnashdi.

Yunon-rum kurashida -60 kg vazn toifasida ishtirok etgan Elmurat Tasmuradov dastlabki bosqichda asli O‘zbekistonda tug‘ilgan, hozirda Ukraina bayrog‘i ostida qatnashayotgan Lenur Temirovga to‘qnash keldi. Unda Temirov 5:0 hisobida g‘alaba qozonib, keyingi bosqichga chiqdi. Shu tariqa Rio—2016 Olimpiadasi sovrindori bronza uchun kurashda qatnashish uchun Lenurning finalga chiqishini kutishga majbur.

Mo‘minjon Abdullayev (-130 kg) birinchi davrada estoniyalik Artur Vitininni taslim etdi. Abdullayev chorak finalda esa chililik Yasmani Fernandesga qarshi kurash olib bordi va 0:2 hisobida yutqazib qo‘ydi. Mo‘minjon bronza uchun o‘tish bahslarida qatnashishi Fernandes finalga chiqishi kerak bo‘ladi.