Buzilgan vodoprovod uchun 169 million dollar? Tarixdagi eng qimmat kvartira Nyu-Yorkda sotilmoqda (foto)

Yaqinda Nyu-Yorkdagi ko‘chmas mulk sotiladigan saytlardan birida yangi reklama paydo bo‘ldi, bu bir zumda jamoatchilik e’tiborini tortdi. Shunday qilib Manxetten markazidagi uy egalari osmono‘par binoda joylashgan uy uchun 169 million dollar so‘ramoqda.

Kvartira 760 kvadrat metr bo‘lib, oq va to‘q sariq uslubda bezatilgan oltita xonadan iborat. Ularning har birida hojatxona mavjud bo‘lib, bitta umumiysi bilan yettitani tashkil etadi.

Uyning ichki qismida qimmatbaho mebel, rasm, shinam kamin va derazadan ajoyib manzarani ko‘rish mumkin.

Agar xaridorda 169 million dollar bo‘lmasa, xonalardan birini hojatxonasi bilan sotib olish imkoniyati mavjud. Shunda har bir xona narxi 28 million dollarga to‘g‘ri keladi. Shunday qilib kvartiraning kvadrat metri, taxminan, 220 ming dollarga baholangan.

Aslida ushbu mulk belgilangan narxga arziydimi yoki yo‘qmi – bahsli nuqta. Ayniqsa, osmono‘par bino aholisi tez-tez singan liftlar, suv oqishi va deyarli karton devorlari haqida shikoyat qilishini hisobga olish zarur.

Shuningdek, ushbu uyni sotib olishga rozi bo‘lganlar tegishli soliqni to‘lashi kerak, ya’ni 15 ming dollar. Bundan tashqari, har oy uyni kapital ta’mirlash uchun 24 ming dollar, har yilgi xarajatlar 500 ming dollarga yetadi.