“Daryo”ni Telegram’da o‘qing! Join!
19:21, 30.07.2021 32424

Bollivud aktrisalarining omad keltiruvchi tumorlari (foto)

Hind kinosanoatining omad va baxt borasidagi qarashlari boshqalarnikidan farqliroq bo‘lgan vakillari haqida ma’lumot berib o‘tamiz.

Vidya Balan

Foto: “Yandeks Dzen”

Bollivudning ayrim rejissor va aktyorlari Vidyani “Omad keltiradigan xonim” deb biladi. Aktrisaning o‘zini ham bu borada ishonadigan tumori bor. U mukofotlash marosimlari va boshqa tadbirlarga hamisha qora braslet taqqan holda tashrif buyuradi.

Samira Reddi

Foto: “Yandeks Dzen”

“Musofir” va “Poyga” singari filmlarda suratga tushgan aktrisa esa ushbu loyihalardagi hamkasbi Anil Kapurni o‘zining omad tumori deb biladi.

Shilpa Shetti

Foto: “Yandeks Dzen”

Aktrisa sevimli “Rajasthan Royals” jamoasi kriket bo‘yicha chempionatda qatnashayotganida ikkala qo‘liga ham soat taqib oladi.

Karina Kapur

Foto: “Yandeks Dzen”

“Karan bilan qahva” shousida ishtirok etgan vaqti gap “Izlash” filmi haqida ketganida: “Men Amir Xon bilan ishlaganimdan mamnunman. U — men uchun omad. Biz birga suratga tushgan filmlar: “Uch savdoyi”, “Izlash” xitga aylangan”, — degan.

Kangana Ranaut

Foto: “Yandeks Dzen”

Kangana esa “Gangster”, “Sir-2” hamda “Bir kuni Mumbayda” singari filmlardagi hamkasbi Emran Hashmi unga omad keltirishiga ishonadi. Ular birga ishtirok etgan filmlarning hammasi kassabop bo‘lgan.

Kajol

Foto: “Yandeks Dzen”

Bollivud yulduzi Kajol esa turmush o‘rtog‘i Ajay Devgan sovg‘a qilgan brilliant uzuk unga omad keltirishiga ishonadi. Ushbu uzuk nafaqat suratga olish maydonchasida, balki har kuni u bilan birga.