Dzyudo bo‘yicha -90 kg vazn toifasida harakat qilgan Davlat Bobonov Tokio—2020 Olimpiadasi bronza medaliga ega chiqdi.
Foto: Turizm va sport vazirligi
Turizm va sport vazirligi Bobonovning g‘alabali onlari uning oila a’zolari tomonidan qay tariqa kutib olingani haqidagi videoni namoyish qildi. Videoda Bobonovning ota-onasi, akasi va boshqa qarindoshlari sportchiga bronza medalini keltirgan jangni tomosha qilayotgan vaziyat tasvirlangan.
Eslatib o‘tamiz, 24 yoshli Bobonov 1/16 finalda italiyalik Nikolas Mungayni taslim etdi, 1/8 finalda ukrainalik Nyabali Kejauni yenggan bo‘lsa, chorak finalda gruziyalik Lasha Bekauriga yutqazib qo‘ydi. O‘tish bahsida Bobonov ispaniyalik Nikolos Sherazadishvilini vazari bahosi bilan mag‘lub etdi. Bronza uchun kechgan bahsda esa turkiyalik Mihael Zgankni ippon bahosi bilan yengdi.
Shu tariqa Bobonov O‘zbekiston delegatsiyasiga Tokio—2020 da ikkinchi medalni taqdim etdi. Avvalroq taekvondochi Ulug‘bek Rashidov oltin medalga ega chiqqandi.
Davlat Bobonov 1997-yilning 7-iyunida Navoiy viloyatida dunyoga kelgan. U dzyudo bo‘yicha 2021-yilgi Osiyo chempionati g‘olibi va JCh—2021 kumush medali sohibi hisoblanadi. Davlat Budapeshtda o‘tgan Jahon chempionati finalida Nikolos Sherazadishviga yutqazib qo‘ygandi.
