AQShda boshpanasiz hayvonlar saqlanadigan muassasadagi to‘rtta mushuk Naggets laqabli itni qurshab oldi. U xona burchagida tinchgina dam olayotgan bo‘lgan, biroq notanish mehmonlar uning tinchini buzishga qaror qilgan, deb yozadi Meduza.

Kadr: YouTube

Naggets muammoga e’tibor qaratmaslikni ma’qul ko‘rgan: avvaliga u shunchaki qo‘rqib ketib vaziyatni kuzatgan, keyin esa devorga termilishni boshlagan va shundan so‘nggina uzoqroqqa qochib ketgan.

Naggets — tinch va dono it bo‘lib, 10 yoshda. Itning egasi undan ko‘pincha boshqa hayvonlarni muhitga ko‘niktirishda foydalanadi. Masalan, videodagi kabi ko‘chadan olib kelingan to‘rtta mushuk kabi. Naggets barcha narsaga chidayveradi, hatto tishlamaydi ham.

Ijtimoiylashuv muvaffaqiyatli o‘tgan — mushuklar hamma itlar ham ular bilan janjallashish niyatida emasligini tushunib yetgan.

Avvalroq avstraliyalik shifokor mijozlarining itlari uchun Instagram’da akkaunt ochgani, u koronavirusga test topshirgani kelgan xo‘jayinini kutayotgan jonivorlarni suratga olayotgani to‘g‘risida xabar berilgandi.