Xitoyda bo‘yi 2,26 metrga yetadigan Chjan Sziyuy ismli 14 yoshli qiz Milliy basketbol ligasining 15 yoshgacha bo‘lgan o‘yinchilari o‘rtasidagi uchrashuv finalida 42 ochko to‘plab, jamoasining g‘alabasini ta’minladi, deb xabar beradi Esquire.
Kadr: YouTube
Bundan tashqari, Sziyuy 25 ta saralash va oltita blokdan o‘tgan. Va bu hayratlanarli emas, shuning uning bo‘yi tengdoshlarinikidan ancha baland. Birinchi sinfdaligidayoq qizchaning bo‘yi 1,6 metrni, oltinchi sinfligida 2,11 metrni tashkil etgan.
Ma’lumotlarga ko‘ra, Sziyuy Xitoy sharqidagi Shandun provinsiyasida professional basketbolchilar oilasida dunyoga kelgan. Qizning otasining bo‘yi 2,13 metrni, onasiniki esa 1,98 metrni tashkil etadi.
Sina Weibo ijtimoiy tarmog‘i foydalanuvchilari Sziyuyni Xitoy basketboli yulduzi Yao Min bilan taqqoslamoqda — uning bo‘yi 2,29 metr bo‘lib, o‘z vaqtida NBA’ning eng baland bo‘yli basketbolchisi bo‘lgan. Twitter foydalanuvchilari esa qizning o‘z tengdoshlari bilan bir jamoada o‘ynashini adolatsizlik demoqda, ayrimlar uning sog‘lig‘idan xavotirda.
Eslatib o‘tamiz, 2020-yilning noyabrida xitoylik maktab o‘quvchisi dunyodagi eng baland bo‘yli o‘smir sifatida tan olingandi. O‘shanda uning bo‘yi 221 santimetrni tashkil etgan.
