Iyul boshida AQShdagi shaharlarning birida bug‘u bolasi daryoga tushib ketdi va oqim sabab suvdan chiqa olmagan. Aksariyat hollarda kuzatilgani kabi atrofdagi odamlar, asosan, yordam ilinjida baqirgan, deb xabar beradi Meduza.
Ayollardan biri “Eh Xudoyim, axir u o‘lib qoladi!” — deya baqirgan. Ched ismli erkak esa “Men uning o‘lishiga yo‘l qo‘ymayman!” — deya javob qaytarib, ko‘ylagini yechgan va o‘zini suvga tashlagan.
Bir necha soniyadan so‘ng Ched bug‘u oldiga suzib borgan va uni tutib olib, suvdan olib chiqqan. Shundan keyin erkak bug‘u bolasini o‘rmonga eltib, uni ozodlikka qo‘yib yuborgan. Bug‘ucha o‘zini qutqargan qahramon bilan qolish yoki qolmaslik haqida biroz o‘ylanib turgan, keyin esa Chedning so‘zlariga ko‘ra, onasining oldiga yugurib ketgan.
Bug‘uning qutqarilishi tasvirlangan video TikTok’da 4,5 milliondan ortiq ko‘rilgan. Bir necha kundan so‘ng erkak videomurojaat yozib, barchaga qo‘llab-quvvatlov uchun minnatdorchilik bildirgan.
Mavzuga doir: Video: Suzish maqsadida o‘zini basseynga otgan quyon
Izoh (0)