Namanganda Nexia haydovchisi yo‘ldan o‘tayotgan 53 yoshli piyodani urib yuborib, uning o‘limiga sababchi bo‘ldi
Namangan viloyatining Yangiqo‘rg‘on tumanida Nexia haydovchisi yo‘lni kesib o‘tayotgan 53 yoshli piyodani urib yubordi.
Viloyat IIB matbuot xizmati xabariga ko‘ra, voqea 2-iyul kuni soat 17:50 larda Yangiqo‘rg‘on—Namangan yo‘lining 5- kilometrida, Yangiqo‘rg‘on tumani “Radivon MFY” hududida yuz bergan.
20 yoshli haydovchi Nexia’ni ishonch qog‘ozi orqali boshqarib borayotib, harakat xavfsizligini ta’minlay olmay, yo‘lni kesib o‘tayotgan 53 yoshli piyodani urib yuborgan. Oqibatda piyoda olgan jarohati oqibatida shifoxonada vafot etgan.
Holat bo‘yicha Yangiqo‘rg‘on tuman IIB huzuridagi TB tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish odam o‘lishiga sabab bo‘lishi) bilan jinoyat ishi qo‘zg‘atilgan.
Avvalroq Namanganda Nexia yo‘lni kesib o‘tayotgan 38 yoshli erkakni urib yuborib, uning o‘limiga sababchi bo‘lgani, Samarqandda Spark piyodalar yo‘lakchasidan o‘tayotgan ayolni urib yuborgani, Qashqadaryoda Nexia-3 urib yuborishi oqibatida velosiped mingan bobo va nabira vafot etgani haqida xabar berilgan edi.
