Xorazm viloyatida uyida giyohvand moddasi yetishtirgan shaxs ushlandi, deya xabar bermoqda IIV matbuot xizmati.
Qayd etilishicha, 2021-yil 30-iyun kuni Xorazm viloyati IIB Transportda XTB xodimlari tomonidan giyohvandlik moddasi sotayotgan vaqtida qo‘lga olingan 1987-yilda tug‘ilgan Urganch tumani G‘oybu qishlog‘ida yashovchi, A.S.ning jinoyat ishi tergovi davomida, ushbu fuqaro Boshqarma boshlig‘i nomiga pushaymonlik arizasi bilan murojaat qilib, unga marixuana giyohvand moddasini sotgan O. ismli shaxsni jinoyat ustida ushlashda yordam berishini bildirgan.
Arizaga muvofiq, 2021-yilning 4-iyul kuni Transportda XTB JQB xodimlari tomonidan o‘tkazilgan tezkor-tadbir davomida, 1983-yilda tug‘ilgan Urganch tumani Qoramon qishlog‘i “Kattabog‘” mahallasida yashovchi M.O. Urganch shahar Islom Karimov ko‘chasida joylashgan Markaziy dehqon bozori yaqinida tadbirga jalb qilingan xaridor A.S.ga 400 000 so‘m evaziga, 2 dona “Spichki” yozuvli gugurt qutichasi ichiga joylashtirilgan, EKBning xulosasiga ko‘ra 5,03 gramm “marixuana” giyohvand moddasini sotgan vaqtida ushlangan.
Shuningdek, fuqaro M.O.ning yashash uyi orqa tomonida joylashgan bog‘ning ekish maydoni xolislar ishtirokida ko‘zdan kechirilganida, bog‘ ichidagi issiqxonada EKBning xulosasiga ko‘ra 43 tup bo‘yi 0,90 santimetrdan – 2,62 metrgacha bo‘lgan, vazni 48 kilogramm 762 gramm ho‘l xoldagi kannabis giyohvandlik o‘simligini ekib parvarishlab kelayotganligi aniqlandi.
Mazkur holat yuzasidan tergov harakatlari olib borilmoqda.
Bundan avval Toshkentda tibbiy niqobga giyohvandlik vositasini yashirgan fuqaro qo‘lga olingani, Toshkentda sigareta qutisida giyohvand modda olib yurgan shaxs qo‘lga olingani hamda DXX O‘zbekistonga Tojikistondan kontrabanda yo‘li bilan olib kirilgan katta miqdordagi giyohvandlik moddalarini musodara qilgani haqida xabar qilingani haqida xabar berilgandi.
Izoh (0)