Futbol bo‘yicha JCh—2022 saralashi doirasida Yaponiya va Tojikiston terma jamoalari 7-iyun kuni o‘zaro bahs yuritdi.

Foto: “Daryo” / Twitter

Uchrashuvning 6-daqiqasida Kyogo Furuhashi yaponlarni oldinga olib chiqdi. Oradan ko‘p o‘tmay “Navbahor” vakili Ehsoni Panshanbe muvozanatni tikladi.

Birinchi bo‘lim yakunida Takumi Minamino Yaponiyaning ikkinchi golini urdi. Tanaffusdan keyin “moviy samuraylar” yana ikki bor raqib darvozasini ishg‘ol qildi.

Avvalroq ushbu guruh doirasidagi yana bir o‘yinda Qirg‘iziston terma jamoasi kutilmaganda Mo‘g‘ulistonga yutqazib qo‘ygandi.

F guruhdagi vaziyat bilan tanishing:

Foto: “Daryo” / Maftuna Jaloliddinova

JCh—2022 saralashi

7-iyun, dushanba

Yaponiya — Tojikiston 4:1

Gollar: 1:0 – 6 Furuhashi, 1:1 – 9 Panshanbe, 2:1 – 40 Minamino, 3:1 – 51 Hashimoto, 4:1 – 71 Kavabe.