Bugun,

  • USD 11095.31
  • RUB 173.84
  • EUR 10772.44

Muxlislar qalbidan joy olgan mashhur aktyor va aktrisalarning aynan qaysi filmdagi ijrosi Amerika kinoakademiyasitomonidan mukofotga loyiq topilgani haqida ma’lumot berib o‘tamiz.

Keyt Blanshett

Foto: AdMe

Foto: AdMe

2005-yil aktrisa “Aviator” filmidagi Ketrin Xepbern ijrosi uchun “Eng yaxshi ikkinchi darajali aktrisa” sifatida “Oskar”ga sazovor bo‘lgan. 2014-yilda esa “Jasmin” filmidagi millionerning rafiqasini gavdalantirgani “Eng yaxshi rol ijrochisi” sifatida “Oskar” berilishiga sabab bo‘lgan.

Entoni Xopkins

Foto: AdMe

Foto: AdMe

1992-yilda “Qo‘zilarning sukunati” filmidagi psixiatr Gannibal Lekter ijrosi sabab “Oskar” mukofotini “Eng yaxshi aktyor” sifatida qo‘lga kiritgan Entonining 2021-yilgi taqdirlash marosimida ham shu yo‘nalishda eng yaxshi deb topilishga “Ota” filmida demensiyadan aziyat chekayotgan qariyani gavdalantirgani sabab bo‘lgan.

Xilari Suenk

Foto: AdMe

Foto: AdMe

Aktrisa “Yigitlar yig‘lamaydi” filmidagi roli sabab 2000-yilgi taqdirlash marosimida “Eng yaxshi aktrisa” sifatida mukofotni qo‘lga kiritgan. 2005-yilgi ham xuddi shu yo‘nalish bo‘yicha eng yaxshi deb topilib, “Oskar”ga ega bo‘lgan va bunga “Million Dollar Baby” filmidagi ijrosi sabab bo‘lgan.

Sandra Bullok

Foto: AdMe

Foto: AdMe

Sandra “Mehr hududi” filmida afroamerikalik o‘smir bolani qaramog‘iga olgan ayol ijrosi bois “Eng yaxshi aktrisa” sifatida “Oskar”ga ega bo‘lgan.

Riz Uizerspun

Foto: AdMe

Foto: AdMe

Rizning “Walk the line” filmida xonanda Jonni Keshning ikkinchi rafiqasi Jun Karterni gavdalantirgani uning 2006-yilgi “Oskar” taqdirlash marosimida “Eng yaxshi aktrisa” deb topilishiga sabab bo‘lgan.

Robert De Niro 

Foto: AdMe

Foto: AdMe

Robert 1975-yilda “Cho‘qintirgan ota-2” filmidagi ijrosi sabab “Eng yaxshi ikkinchi darajali aktyor”, 1981-yilda “Raging Bull” filmidagi ijrosi bois esa “Eng yaxshi aktyor” sifatida “Oskar”ga sazovor bo‘lgan.

Kolin Fert

Foto: AdMe

Foto: AdMe

Kolinning “Qirol nutqi” filmidagi logoped yordamida nutqidagi nuqsonni bartaraf qilishga urinadigan Buyuk Britaniya qiroli — Jorj VI roli unga “Eng yaxshi aktyor” sifatida “Oskar” olib kelgan.

Meril Strip

Foto: AdMe

Foto: AdMe

Meril 1980-yilda “Kramer Kramerga qarshi” filmi uchun “Eng yaxshi ikkinchi darajali aktrisa”, 1983-yilda “Sofining tanlovi” filmidagi ijrosi va 2012-yilda “Temir xonim”dagi roli uchun esa “Eng yaxshi aktrisa” sifatida “Oskar” mukofoti bilan taqdirlangan.

Nikol Kidman

Foto: AdMe

Foto: AdMe

Aktrisa “Soatlar” filmida mashhur ingliz yozuvchisi Virjiniya Vulf obrazini gavdalantirgani “Eng yaxshi aktrisa” sifatida “Oskar”ga loyiq topilishiga sababchi bo‘lgan.

Tom Xenks

Foto: AdMe

Foto: AdMe

Tom 2 marta — 1994-yilda “Filadelfiya” filmidagi yurist roli, 1995-yilda “Forrest Gamp” filmidagi bosh qahramon ijrosi sabab “Eng yaxshi aktyor” sifatida “Oskar”ni qo‘lga kiritgan.

Jek Nikolson

Foto: AdMe

Foto: AdMe

Jek “Kakku uyasi uzra parvoz” filmidagi Rendli Patrik Makmerfi roli sabab “Eng yaxshi aktyor” nominatsiyasi bo‘yicha, 1984-yilda “Endearment Terms” filmidagi fazogirni gavdalantirgani sabab “Eng yaxshi ikkinchi darajali aktyor”, shuningdek, 1988-yil “Bundan yaxshisi bo‘lmaydi” filmidagi yozuvchi Melvin Yudellani ijro qilgani uchun “Eng yaxshi aktyor” sifatida “Oskar”ga ega bo‘lgan.

Kristof Vals

Foto: AdMe

Foto: AdMe

2010-yilda “Sharafsiz vahshiylar” filmidagi ijrosi uchun “Eng yaxshi aktyor” sifatida e’tirof qilingan aktyor 2013-yilda “Ozod qilingan Jango” filmidagi roli sabab “Eng yaxshi ikkinchi darajali aktyor” deb topilgan.

Mettyu Makkonaxi

Foto: AdMe

Foto: AdMe

Aktyor “Dallas xaridorlar klubi” filmidagi roli uchun 2014-yilgi taqdirlash marosimida “Eng yaxshi aktyor” sifatida mukofotni qo‘lga kiritgan.

Eddi Redmeyn

Foto: AdMe

Foto: AdMe

Eddi “Stiven Hoking koinoti” filmida bosh qahramon rolini gavdalantirgani uchun 2015-yilgi taqdirlash marosimida “Eng yaxshi aktyor” sifatida “Oskar”ga ega bo‘lgan.

Juliya Roberts

Foto: AdMe

Foto: AdMe

Real voqealar asosida suratga olingan “Erin Brokovich” filmida shahar aholisi huquqlarini himoya qilib, yirik korporatsiyaga qarshi chiqadigan sobiq go‘zallik tanlovi g‘olibi — Erin rolini gavdalantirgani sabab Juliya 2001-yilda “Eng yaxshi aktrisa” sifatida “Oskar”ni qo‘lga kiritgan.

Frensis Makdormand

Foto: AdMe

Foto: AdMe

Frensis uch marta —1997-yilda “Fargo” filmidagi roli, 2018-yilda “Missuri, Ebbing chegarasidagi uchta reklama taxtasi” filmidagi haqiqat qidiradigan ona ijrosi va 2021-yilda “Ko‘chmanchilar o‘lkasi” filmidagi ishidan ayrilib, butun shahar bo‘ylab furgonda safarga otlangan ayol obrazi uchun “Eng yaxshi aktrisa” sifatida “Oskar”ga loyiq ko‘rilgan.

Keyt Uinslet

Foto: AdMe

Foto: AdMe

“Kitobxon” filmidagi Germaniya shaharlaridan birida tramvay konduktori bo‘lib ishlaydigan ayol — HannaShmits ijrosi Keytning 2009-yilda “Eng yaxshi aktrisa” sifatida “Oskar”ga sazovor bo‘lishiga sababchi bo‘lgan.

Izoh
Asosiy yangiliklar
Shou-biznes
G‘ulomjon Yoqubovning sozandasiga turmushga chiqqan, 32 yoshida “xalq artisti”ga aylangan Gulsanam Mamazoitova 42 yoshda
Salomatlik
Shamollash, milk kasalliklari, stress: davosi sabzavot va mevalar bo‘lgan yana 6 kasallik 
Mahalliy
Qashqadaryodagi mavjud yer-maydonlarining 2,5 mln gektari Uzkad tizimiga kiritilgani maʼlum bo‘ldi