Buyuk Britaniya qirolichasi Yelizaveta II ning singlisi Margaretga tegishli bo‘lgan noyob avtomobil — klassik Rolls-Royce Silver Wraith II modeli Bonhams auksioni orqali sotiladi, deb xabar bermoqda “Korrespondent.net”.

Foto: Bonhams

1980-yillarga tegishli Rolls-Royce qirollik oilasi uchun maxsus ishlab chiqarilgan. Britaniya qirolichasining yagona singlisi grafinya Snoudon mashinadan 22 yil davomida foydalangan.

Malika Margaretdan tashqari, mashinada malika Diana, qirolichaning o‘zi va ona-qirolicha Yelizaveta Bouz-Layon ham foydalangan. So‘nggi marta grafinya Snoudon oilasi ushbu Rolls-Royce’da 2002-yili uning dafn marosimiga yo‘l olgan.

Foto: Bonhams

Rolls-Royce egasining vafotidan so‘ng, mashina uning o‘g‘li Dedid Linliga meros bo‘lib qolgan, ammo u tez orada avtomobilni kolleksioner Ronald Ollraytga sotib yuborgan. Kolleksioner mashinani ideal holatda saqlab, Margaretning mazkur transport vositasida harakatlangani tasvirlangan suratni to‘plagan.

Foto: Bonhams

Hozirga qadar 78 ming kilometr yo‘l bosgan avtomobil auksionda 70—90 funt-sterlingga, ya’ni 82—100 ming yevroga baholangan. Mashina saloni yorqin palisandr va qora charm bilan qoplangan, shu sababli fotoapparatlarning yorqin chaqnog‘i unda akslanmaydi.

Foto: Bonhams

Shuningdek, ma’lumotlarga ko‘ra, avtomobil malikaning bo‘yiga moslab yaratilgan — Margaretning bo‘yi 155 santimetrni tashkil etgan — boshqo‘ygichlar surilgan, orqani ko‘rishga mo‘ljallangan ko‘zgu kattalashgan. Mashina Cardinal Red rangida va qora tom qismga ega.

Foto: Bonhams