Andijonga kelin bo‘lib tushgan ayol Qirg‘izistondagi onasining Tanzila Norboyevaga murojaatidan so‘ng O‘zbekiston fuqaroligini oldi
Andijonga kelin bo‘lib tushgan ayolga 30 yildan so‘ng O‘zbekiston fuqaroligi berildi, deb xabar beradi Oliy Majlis Senati matbuot xizmati.
Andijonga kelin bo‘lib tushgan Shoiraxon Egamova 30 yildan buyon fuqaroligi bo‘lmagan shaxs maqomida yashayotgani, pasporti yo‘qligi uchun 10 yildan beri bor-yo‘g‘i 100 kilometr narida, Qirg‘izistonda yashovchi keksa onasini ko‘rgani bora olmasligi haqida Senat raisi Tanzila Norboyevaga murojaat qilgandi.
Ma’lum qilinishicha, mazkur murojaat Senatning Mudofaa va xavfsizlik masalalari qo‘mitasi tomonidan nazoratga olingan va o‘rganishlar olib borilgan.
“Natijada O‘zbekiston Prezidentining tegishli 11-maydagi farmoniga muvofiq Shoiraxon Egamova O‘zbekiston fuqarosi sifatida qabul qilindi va tez kunda fuqarolik pasportiga ega bo‘ladi”, — deyiladi xabarda.
Avvalroq O‘zbekiston fuqaroligini olishda o‘zbek tilidan imtihon topshirish pullik bo‘lishi, Toshkentda 25 yil hech qayerda qayd etilmagan yigitga fuqarolik pasporti berilgani hamda O‘zbekiston fuqaroligini olish va undan voz kechish jarayonlari onlayn rejimga o‘tkazilishi haqida xabar berilgandi.
