Bugun,

  • USD 11014.01
  • RUB 191.8
  • EUR 10674.78

Shavkat Mirziyoyev raisligida mahalliy sanoatni rivojlantirishga bag‘ishlangan videoselektor yig‘ilishi bo‘lib o‘tdi, deya xabar bermoqda “Gazeta.uz”.

Yig‘ilishda davlat rahbarining ta’kidlashicha, so‘nggi 3 yilda qurilish materiallarini ishlab chiqarish hajmi 1,5 baravarga oshgan, lekin bu hali ichki ehtiyojni to‘liq qoplayotgani yo‘q.

Sementga bo‘lgan ehtiyoj — 86 foiz, qurilish oynasi — 69 foiz, keramik buyumlar — 40 foiz, gulqog‘oz — 30 foiz, lak-bo‘yoq 65 foizga ta’minlanmoqda.

Umuman, 2020-yili qariyb 1 milliard dollarlik (metall va yog‘ochdan tashqari) qurilish materiallari import qilingan.

“Bugungi kungacha birorta tuman, shahar yoki viloyat rahbari mahalliy sanoat salohiyati va undan foydalanishni chuqur va puxta o‘ylab ko‘rgani yo‘q. Hududga nima chetdan olib kelinyapti? Nimani o‘zida ishlab chiqarish mumkin? Buning uchun nima qilish kerak, degan savollar hokimlarni har kuni qiynashi kerak”, — dedi Prezident.

Mahalliy sanoatni haqiqatda rivojlantirish uchun har bir hududda ishlab chiqarishni kamida 3—4 baravarga oshirish zarur. Davlat rahbari mahalliy sanoatni rivojlantirish bo‘yicha mutlaqo yangi “vertikal” tizim joriy etilishini ma’lum qildi.

“Bu masalaga viloyat hokimlarining shaxsan o‘zi mas’ul bo‘ladi va ishlarni ichki talabni o‘rganish — importni tahlil qilish — resurs bazasini aniqlash — yangi loyihalarni amalga oshirish zanjiri orqali yo‘lga qo‘yadi”, — dedi Shavkat Mirziyoyev.

“Sanoatqurilishbank” raisi Annaqlichev qurilish materiallari sanoatini rivojlantirish, ilg‘or texnologiyalarni joriy etish va loyihalarni moliyalashtirish ishlariga mas’ul va javobgar etib belgilandi.

2021-yil 1-iyulga qadar xorijiy ekspertlarni jalb etgan holda, bankning investitsiya kompaniyasi va barcha filiallarida konsalting markazlari tashkil qilinadi.

Mahalliy sanoatni rivojlantirish vazifalari Sardor Umrzoqov va uning tizimiga yuklatildi. Mahalliylashtirish bo‘yicha hokim yordamchilari ham ushbu tizim bilan birlashtirilib, ularning vazifalari va mas’uliyati qayta ko‘rib chiqiladi. Sardor Umrzoqov ikki oy muddatda mahalliy sanoatning har bir yo‘nalishi bo‘yicha tumanlar kesimida alohida dasturlar ishlab chiqishi kerakligi aytildi.

“Har bir viloyat, tuman hokimining mavjud zaxiralarni ishga solish bo‘yicha aniq rejalari bo‘lishi kerak. G‘ozg‘ondagi qurilish materiallari klasteri tajribasi barcha hududda joriy etilsa, albatta, mahalliy sanoat keskin rivojlanadi”, — dedi Prezident.

Misol uchun, bugungi kunda respublikadagi mavjud pardozbop toshlar zaxirasining 30 foizidan ham foydalanilmayapti.

Bu ko‘rsatkich Buxoroda — 11 foiz, Qashqadaryoda — 13 foiz, Toshkent viloyatida — 15 foiz.

Jumladan, Boysun tumanida 7 turdagi foydali qazilmalarni (ohaktosh, bazalt, dolomit, kvars qumi, pardozbop toshlar) qayta ishlashni yo‘lga qo‘yish mumkin. Yoki Peshku tumanida 24 million kub metr tabiiy qoplama toshlar, 1,3 million tonna grafit, 450 ming tonna mineral bo‘yoqlar uchun xomashyo zaxiralarini ishga solish rejalashtirilgan.

Bundan avval Shavkat Mirziyoyev Markaziy bank raisi Mamarizo Nurmurodov tizimiga ishonmasligini, Shavkat Mirziyoyev YXHT Demokratik institutlar va inson huquqlari bo‘yicha byurosi direktorini qabul qilgani hamda Shavkat Mirziyoyev Sadir Japarov bilan Qirg‘iziston—Tojikiston chegarasidagi vaziyatni tez fursatda hal etishni muhokama qilgani haqida xabar berilgandi.

Izoh
Asosiy yangiliklar
Mahalliy
Qurilish vazirligi ogohlantiradi: yangi uy xarid qilayotganda e’tibor berilishi lozim bo‘lgan jihatlar
Mahalliy
“Ba’zida o‘zim ham noto‘g‘ri parkovka qilaman” — Rasul Kusherbayev
Mahalliy
Toshkent shahri bosh rejasining bir qismi 2022-yil oxirigacha yakunlanadi