Bugun,

  • USD 11095.31
  • RUB 173.84
  • EUR 10772.44

Prezident Shavkat Mirziyoyev Yashnobod tumanidagi “Parvoz” mahallasida bo‘lib, aholi hayoti bilan tanishdi.

Foto: Prezident matbuot xizmati

Foto: Prezident matbuot xizmati

Mamlakatda har bir mahalladagi “o‘sish nuqtalari”ni aniqlab, aholini tadbirkorlikka va o‘zini o‘zi band qilishga jalb etish, kommunal muammolarni hal qilib, hududini obodonlashtirish choralari ko‘rilmoqda. “Parvoz” mahallasiga tashrif chog‘ida shu boradagi ishlar ijrosiga e’tibor qaratildi.

Bu yerdagi 41 ta ko‘p qavatli uyga “Shinam uy-joy” boshqaruv servis kompaniyasi sifatli xizmat ko‘rsatmoqda. Davlat rahbari ushbu shirkat binosini kirib ko‘rdi.

Foto: Prezident matbuot xizmati

Foto: Prezident matbuot xizmati

Kompaniyada tun-u kun dispetcherlik xizmati yo‘lga qo‘yilgan. 35 doimiy, 20 dan ziyod mavsumiy ish o‘rni yaratilgan. Binoda “Xalq banki” bo‘limi ham tashkil etilgan.

Hududda maktabgacha ta’lim muassasalari, maktab, sport maydonchalari bor. Prezident shu yerda o‘ynayotgan bolalarga ezgu tilaklar bildirdi.

Foto: “Daryo” / Madina Nurman

Foto: “Daryo” / Madina Nurman

“Bolalarimiz sog‘lom bo‘lib, ko‘zlaridan nur yog‘ilsa, men uchun eng katta baxt shu. Sizlarning bilim olishingiz, kasb-hunarlar egallashingiz, sport bilan shug‘ullanishingiz uchun hamma sharoitlarni yaratishga harakat qilyapmiz. Sizlar yaxshi o‘qib, al-Xorazmiy, Mirzo Ulug‘bek bobolarimizga munosib bo‘lib, ota-onangiz orzularini ushaltiradigan insonlar bo‘lib ulg‘aying”, — dedi Shavkat Mirziyoyev.

Mahallada savdo va xizmat ko‘rsatish sohalarida 157 kichik biznes subyekti bor. Aholini ish bilan ta’minlash maqsadida 2021-yilda umumiy qiymati 73 milliard so‘m bo‘lgan 6 ta loyihani amalga oshirish va 310 ta yangi ish o‘rni yaratish rejalashtirilgan.

Foto: “Daryo” / Madina Nurman

Foto: “Daryo” / Madina Nurman

“Bu Toshkent shahridagi eng katta mahallalardan biri — 10 ming 200 nafardan ziyod aholi yashaydi. Bu yerda shunday ishlar qilingani boshqa mahallalarga namuna bo‘lishi kerak”, — dedi Prezident.

Mutasaddilarga poytaxtdagi barcha 524 ta mahallani shunday obod qilish, buning uchun har biriga mablag‘ ajratib, loyihalarini tasdiqlash bo‘yicha topshiriq berildi.

Shu yerda nuroniylar, jamoatchilik vakillari bilan samimiy suhbat bo‘ldi.

Foto: Prezident matbuot xizmati

Foto: Prezident matbuot xizmati

“Ulug‘ ayyom kunlarda sizlar bilan ko‘rishganimdan xursandman. Mehr ko‘zda degandek, yoshlar, nuroniylar bilan gaplashsam, o‘zimga kuch, katta rejalar olaman. Odamlarning har bir gapi menga mas’uliyat bag‘ishlaydi. Xalqimizni rozi qilsak, inshaalloh, ajri ham bo‘ladi”, — dedi Prezident.

Bundan avval Shavkat Mirziyoyev qator davlat elchilari va tashkilot vakillarining ishonch yorliqlarini qabul qilgani, elektr tarmoqlari korxonasining innovatsion markazini borib ko‘rgani hamda Toshkentdagi Texnoparkda ishga tushirilgan yangi korxonalarni borib ko‘rgani haqida xabar berilgandi.

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova