Rossiyada kosmik narxli “kosmik” iPhone modellari paydo bo‘ldi

Rossiyaning Caviar zargarlik brendi insonning kosmosga amalga oshirgan birinchi parvoziga 60 yil to‘lishi munosabati bilan “Kosmosni jilovlaganlar” nomli yangi kolleksiyasini taqdim etdi, deb xabar beradi Hi-Tech.Mail.ru.

Kolleksiyadagi birinchi model Yuriy Gagarin sharafiga yaratilgan. Gagarin modelining korpusi aviatsiya titanidan ishlangan va Gagarin Yer orbitasiga ko‘tarilgan “Vostok” raketasi tasvirlangan. Qurilma korpusida kosmosga amalga oshirilgan birinchi parvoz sanasi yozilgan soatni ko‘rish mumkin. Aynan shu kabi soatlar yordamida Yuriy Gagarin 108 daqiqani sanagan.

Gagarin modeli dizaynining yana bir noyob jihati — “Vostok-1” kosmik kemasining haqiqiy parchasi joylashtirilganida. Ushbu kema birinchi bo‘lib Yer atrofini aylanib chiqqan.

“Kosmosni jilovlaganlar” kolleksiyasining boshqa bir modeli kosmik sanoatning zamonaviy pioneri — Ilon Maskka bag‘ishlangan. Taniqli tadbirkorning orzusi Marsni tadqiq etishdan iborat.

Musk seriyasidagi telefonlar korpusi o‘ta yuqori mustahkamlikka ega PDV-qoplamali titandan ishlangan bo‘lib, undan Falcon va Space Dragon kemalarini yaratishda foydalanilgan. Har bir modelga Ilon Maskning Mars fonidagi tasviri tushirilgan — u qizil titandan ishlangan. Parvoz trayektoriyasi esa Falcon 9 va CRS-17 Dragon bortlari orqali kosmosga ko‘tarilgan SpaceX kosmik apparatlarining haqiqiy bo‘lagi hisoblanadi.

Shuningdek, lineykadan Korolev smartfonlari ham o‘rin olgan — bu tilla suvi yugurtirilgan model buyuk sovet muhandisi va birinchi sun’iy yo‘ldosh ixtirochisining sharafiga nomlangan, Bezos smartfonini esa Blue Origin kompaniyasining ramzi bezab turadi —kulrang titan patqalam ko‘k toshli kompozitdan ishlangan Yer fonida tasvirlangan. Armstrong modelida Oyga birinchi insonni yetkazib borgan “Appolon-11” kemasining haqiqiy bo‘lagidan foydalanilgan.

Smartfonlar narxi 4500 dollardan boshlanadi.

Avvalroq Caviar kompaniyasi qariyb 8 ming dollar turuvchi iPhone va 184 ming dollarlik iPad’ni namoyish etgandi.