Bugun,

  • USD 11095.31
  • RUB 173.84
  • EUR 10772.44

Osiyo Chempionlar Ligasi 1-turi doirasida bo‘lib o‘tadigan “Paxtakor” — “Traktor” bellashuvidan avval matbuot anjumani o‘tkazildi. Unda toshkentliklar bosh murabbiyi Piter Hyuistra va jamoa sardori Yegor Krimets ishtirok etdi.

Foto: “Paxtakor” FK

Foto: “Paxtakor” FK
Kelasi ikki hafta juda tig‘iz bo‘ladi va barchaga omad tilayman. Jamoalarni 15 kunda o‘ynaladigan 6 uchrashuv kutmoqda. Bu hayajonli bo‘ladi. Biz chempionatni boshlagandan keyin bu yerga keldik. Umid qilamanki, biz sinovga tayyormiz. “Traktor”ga qarshi o‘yin bilan musobaqani boshlaymiz. Eron jamoalari hamisha qiyin raqib bo‘lgan, ular maydonda kurash olib boradi. Texnik va taktik tarafdan yaxshi o‘yin ko‘rsatadi.

Tarkibimizda o‘zgarishlar bo‘lgan. Akademiya tarbiyalanuvchilari ham o‘zini ko‘rsatishi mumkin. Bunday sinovlarga doim tayyor bo‘lish kerak. Yosh iqtidorlar tajribali futbolchilar bilan kirishib ketishiga ishonaman. Birinchi o‘yin qanday holatda ekanimizni bilib olishga yordam beradi. O‘yinlarni bu safar ham o‘zgacha vaziyatda o‘tkazamiz. Karantin, alohida yashash, Ramazon — bularning barchasi vaziyatni o‘zgacha qiladi.

To‘rt, besh va oltinchi turda hammaga qiyin bo‘lsa kerak. Biz ruhiy, taktik va jismoniy jihatdan holatga tayyor bo‘lishimiz kerak. Bu qanday bo‘lishini kuzatish juda qiziq. Jamoadagi barcha sinovga tayyor, oxirigacha kurashishga shay holatda.

Piter Hyuistra, “Paxtakor” bosh murabbiyi

Shuningdek, “sherlar” himoyachisi Yegor Krimets ham o‘z fikrlarini bildirdi.

“Chempionlar Ligasining yangi boshlanayotgan mavsumi bilan barchani tabriklayman. Raqibimizni jiddiy o‘rgandik, bellashuvga yaxshi tayyorlandik. O‘zbekistonda mavsumni boshlashga ulgurdik. Yaxshi holatga kirib oldik deb o‘ylayman va musobaqani g‘alaba bilan boshlashga intilamiz”, — deydi futbolchi.

“Paxtakor” — “Traktor” uchrashuvi 14-aprel kuni Toshkent vaqti bilan 20:00 da boshlanadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi