Sanni Deolning kichik farzandi Rajvir Deol Bollivuddagi debyutiga tayyorgarlik ko‘rmoqda. U Suraja Barjatiyaning o‘g‘li Avnish Barjati filmida suratga tushadi, deb yozadi Bollywoodtime.

Foto: Bollywoodtime

Ma’lum qilinishicha, yoshlarning sevgisi hikoya qilinadigan filmda yangi qahramon bosh rol ijro qiladi. Bu haqda uning bobosi Dharmendra Instagram sahifasida ma’lum qilgan.

Nabirasi Rajvir Deol va debyutant rejissor Avinash Barjatni tanishtirgan aktyor muxlislardan ularning har ikkisiga ham unga ko‘rsatilgandek mehr-muhabbat bilan munosabatda bo‘lishni so‘ragan.

Foto: Bollywoodtime

Sanni Deolning ilk marta 2019-yilda suratga tushgan Karan ismli katta o‘g‘li ham quvonchi bilan bo‘lishgandi. “Kino olamidagi ajoyib sayohatning boshlanishi! Eng yaxshi tilaklar va muvaffaqiyat tilayman Rajvir. Seni yaxshi ko‘raman”, — deb yozib qoldirgan.

Amakisi Bobbi Deol ham jiyanining debyuti haqidagi yangilik bilan bo‘lishib, u o‘z orzusini ro‘yobga chiqarish yo‘lida ekanini qo‘shimcha qilgan.

2021-yilning 12-mayida 25 yoshni qarshilaydigan Rajvir karyerasini suratga olish ishlarida ko‘maklashishdan boshlagan.