Tarix sahifalarida qolgan mashhur shaxslarning nabiralari haqida ma’lumot berib o‘tamiz.

Albert Eynshteynning evaralari Tomas va Pol Eynshteyn

F

Foto: Cosmopolitan

Eynshtyenning evarasi Tomas tibbiyot maktabini tamomlagan. Bugungi kunda Los-Anjelesdagi ambulator jarrohlik klinikasini boshqaradigan erkak to‘rtta tilda gaplasha oladi. Pol esa bobosining izidan ketishni istamagan, u ilm-fan o‘rniga san’atni tanlagan. Skripka chalish bilan shug‘ullanadigan Pol ayni vaqtda Fransiyada yashaydi.

Elvis Preslining nabirasi Rayli Kio

Foto: Cosmopolitan

Xonanda va uning rafiqasi Prissillaning to‘ng‘ich nabirasi onasining izidan ketib, kinosanoatda karyera qilishga qaror qilgan. U “Telba Maks: G‘azab yo‘li” filmida suratga tushgan.

Ernest Hemingueyning nabirasi Dri Heminguey

Foto: Cosmopolitan

1987-yilda tug‘ilgan qiz ayni vaqtda Amerikada modellik va aktrisalik bilan shug‘ullanadi. Dri turli mashhur modellik agentliklari va brendlar bilan hamkorlik qilgan. Gucci, Valentino, H&M brendlari shular jumlasidan.

Charli Chaplinning nabirasi Una Chaplin

Foto: Cosmopolitan

“Taxtlar o‘yini” filmida Talisa Stark rolini ijro qilgan Una dramatik san’at qirollik akademiyasini tamomlagan. Yoshi 31 da bo‘lgan aktrisa karyerasini boshlaganiga ko‘p bo‘lmadi.

Iosif Stalinning nabirasi Kris Evans

Foto: Cosmopolitan

Stalinning kenja qizi Svetlana Alliluyevaning farzandiga Olga deb ism qo‘yilgan, ammo ismini yoqtirmagan qiz uni o‘zgartirishga qaror qilgan. 2011-yil Daily Mail nashriga bergan intervyusida u onasi butun hayoti davomida uni otasi bilan bog‘lamasliklari uchun uringanini, bobosining qilgan ishlari onasiga yoqimsiz bo‘lganini ta’kidlagan.

Lev Tolstoyning evarasi Ilariya Shtiler-Timor

Foto: Cosmopolitan

Ilariyaning buvisi Lev Tolstoyning to‘ng‘ich farzandi bo‘lgan. U Leonardo Albertini ismli italyanga turmushga chiqqan. Juftlik uch nafar farzandli bo‘lgan va ulardan biri Ilariyaning onasi bo‘lgan. Tolstoyning isroillik evarasi bolaligidan mashhur bobosi haqida yaxshi bilgan.

Odri Xepbyornning nabirasi Emma Ferrer

Foto: Cosmopolitan

Buvisidan farqli ravishda aktrisalikni tanlamagan Emma Florensiyadagi san’at akademiyasida tahsil olgan. Mashhur aktrisaning nabirasi voyaga yetganidan keyin suratchilar, moda brendlari unga e’tibor berib, hamkorlik qilishni taklif qila boshlagan. Bugungi kunda modellik faoliyati bilan shug‘ullanadigan Ferrer Odri singari xayriya ishlarida ham faol ishtirok etish bilan birga, YuNISEF bilan hamkorlikda ishlaydi.

Pablo Pikassoning nabirasi Diana Vidmayer Pikasso

Foto: Cosmopolitan

Diana butun hayotini ijodga bag‘ishlagan. U zamonaviy san’at bilan shug‘ullanadigan tarixchi hisoblanadi. U buvasining ijod namunalari haqida ma’lumot to‘playdigan DWP Editions nomli tadqiqot kompaniyasiga egalik qiladi.

Rossiya imperatori Nikolay I evarasi Nikoletta Konsola Romanova

Foto: Cosmopolitan

Mashhur Italiya aktrisasi sanalgan Nikoletta ilk bor 2003-yilda suratga tushgan. 2016-yilda esa Damiani kompaniyasi bilan hamkorlikda “Romanov” kolleksiyasining ustida ishlay boshlagan.