Buxoro viloyati hokimi Botir Zaripov: “Viloyatda 1088 ta konteynerga talab bor”

Buxoro viloyatida 1088 ta konteynerga talab bor. Bu haqda 8-aprel kuni Prezident Shavkat Mirziyoyev raisligida bo‘lib o‘tayotgan videoselektor yig‘ilishida Buxoro viloyati hokimi Botir Zaripov ma’lum qildi, deya xabar bermoqda “Daryo” muxbiri.

Yig‘ilishda Prezident Shavkat Mirziyoyev bir oy muddatda yengil konstruksiyali ko‘chma savdo va xizmat ko‘rsatish shoxobchalarini tashkil etish, ularni auksion orqali joylashtirish tartibini ishlab chiqish bo‘yicha ko‘rsatma berdi.

Davlat rahbari Botir Zaripovga ushbu ishlarni Buxoro viloyatida tashkil etish xususida qanday ishlar olib borilayotgani haqida ma’lumot berish uchun so‘z berdi.

“Olot tumaniga tashrifingiz davomida konteynerlar bo‘yicha topshiriqlar bergan edingiz. O‘rganishlarimiz davomida 1088 ta shunday konteynerga talab borligi ma’lum bo‘ldi. Yanada arzonlashtirish yo‘llarini ko‘rib, 35 million so‘mlik konteynerlarni 25 million so‘mga yasatamiz”, – dedi Botir Zaripov.