Futbol bo‘yicha Osiyo Chempionlar Ligasi saralash o‘yinida OKMK 7-aprel, chorshanba kuni “Al-G‘arafa” maydoniga safar qildi.

Foto: OKMK / “Daryo”

Uchrashuvning asosiy vaqtida darvozalar daxlsiz qoldi. Qo‘shib berilgan bo‘limlarning so‘nggi daqiqasida Mirjamol Qosimovning burchakdan tepgan zarbasi darvoza ustuniga tegdi, qaytgan to‘pni esa Yavon Jokich darvozaga joylab qo‘ydi.

Foto: “Daryo” / Husan Sobitov

Mazkur g‘alabadan keyin Mirjalol Qosimov boshchiligidagi Olmaliq klubi A guruhidan joy oladigan bo‘ldi. Mazkur guruhdan “Al-Hilol” (Saudiya Arabistoni), “Istiqlol” (Tojikiston) va “Shabob Al-Ahli” (BAA) klublari o‘rin olgan. Guruh o‘yinlarini 15—30-aprel kunlari Saudiya Arabistonining Ar-Riyod shahrida o‘tkaziladi.

OKMKning g‘alabasi tufayli Qarshining “Nasaf” klubi nufuz jihatdan qit’ada ikkinchi o‘rinda turadigan OFK Kubogida ishtirok etadi. “Ajadarlar” F guruhida “Xo‘jand” (Tojikiston), “Oltin Asr” (Turkmaniston) va “Oloy” (Qirg‘iziston) bilan guruhda bellashadi. Uchrashuvlar markazlashgan holda Dushanbeda (Tojikiston) o‘tkaziladi.

OChL saralashi

7-aprel, chorshanba

“Al-G‘arafa” — OKMK 0:1

Gol: 0:1 — 120 Jokich.

“Al-G‘arafa”: 21.Yusuf Hassan, 3.Tamim Al Muhaza, 7.Moayad Hassan 7.Moayad Hassan ( 11.Otman Al Yahri, 109), 8.Yusuf Mutfa, 10.Ku Ja Chol, 15.Ektor Ererra, 17.Adlen Gediura, 18.Amro Suraj, 24.Homam Ahmad, 70.Nossir Al Ahrak (9.Ahmad Al Janhi, 69), 94.Sofyan Hanni.

OKMK: 35.Valijon Rahimov, 77.Dilshod Ahmadaliyev, 8.Bobur Yo‘ldoshev, 7.Sardor Rahmonov, 2.Akrom Komilov, 23.Yovan Jokich, 17.Sanjar Tursunov, 22.Sanjar Shoahmedov (11.Murod Toshmatov, 90), 94.Elvin Fortes (28.Shohruh Gadoyev, 46), 18.Aleksandr Kasyan (9.Zafar Polvonov, 90), 10.Husniddin G‘ofurov (4.Mirjamol Qosimov, 90+1).

Ogohlantirishlar: Boburbek Yo‘ldoshev 74, Akrom Komilov 77, Amro Suraj 90+3.