Video: Toshkent metrosida palov tanovul qilayotgan yigitlar

Ijtimoiy tarmoqlarda bir necha yigitlarning Toshkent metrosida osh tanovul qilayotgani aks etgan qisqa video ommalashmoqda.

Unga ko‘ra, yigitlar metro vagoniga kichik xontaxta, bir lagan osh, ichimlik va stakanlar olib kelib, “ziyofat” tashkillashtirgan. Metro vagonidagi boshqa yo‘lovchilar ularni hayrat va kulgi bilan kuzatib o‘tirgan. Voqea aynan qaysi metro bekatida yuz bergani noma’lum.

Toshkent metrosida bunday hayratomuz voqea birinchi marta kuzatilayotgani yo‘q. 2013-yilda yo‘lovchilardan biri metroda gamburger va kola buyurtma bergani aks etgan hazilomuz video ham tarqalgan edi.