Internetda islandiyaliklar otilib chiqayotgan Fagradalsfyal vulqoni fonida voleybol o‘ynayotgani aks etgan video tarqaldi. Bu haqda Esquire xabar bermoqda.
2021-yilning 29-mart kuni qo‘yilgan mazkur post 110 mingdan ortiq layk yig‘gan hamda 25 mingga yaqin foydalanuvchilar tomonidan bo‘lishilgan. Meteorologlarning so‘zlariga ko‘ra, vulqon otilishi yaqin atrofdagi aholi uchun xavfli emas, ammo ba’zilar bundan xavotirda.
Taxminan, 6 ming yil uxlagan vulqon 2021-yilning 19-martida otila boshladi. U mamlakat poytaxti − Reykyavikdan 40 kilometr uzoqlikda joylashgan. Biroq islandiyaliklar uchun buning qo‘rqinchli joyi yo‘q. Ular tabiiy hodisani yangi diqqatga sazovor joy sifatida qabul qildi. Avvalroq islandiyaliklar lava ustida sosiskalar ham pishirgani haqida xabar berilgandi.
Izoh (0)