Ўзбекистондаги қайси ҳудуд аҳолисида автотранспорт воситалари кўплиги маълум бўлди

Давлат статистика қўмитаси маълумотларига кўра, 2021 йилнинг 1 январь ҳолатига кўра, республикада жисмоний шахсларга тегишли жами автотранспорт воситалари сони 2 955 295 тани ташкил этмоқда, шундан 2 767 126 таси енгил автомобиллардир.

Жисмоний шахсларга тегишли бўлган автотранспорт воситаларининг энг кўпи Тошкент шаҳрига тўғри келмоқда — 479 544 та.

Республика бўйича жисмоний шахсларга тегишли қолган автотранспорт воситалари сони ҳудудлар кесимида қуйидагича:

• Самарқанд вилояти — 344 470 та;
• Фарғона вилояти — 302 771 та;
• Тошкент вилояти — 273 943 та;
• Қашқадарё вилояти — 241 171 та;
• Андижон вилояти — 208 814 та;
• Наманган вилояти — 201 443 та;
• Хоразм вилояти — 199 858 та;
• Бухоро вилояти — 195 093 та;
• Сурхондарё вилояти — 160 417 та;
• Қорақалпоғистон — 121 950 та;
• Навоий вилояти — 80 343 та;
• Жиззах вилояти — 79 820 та;
• Сирдарё вилояти — 65 658 та.