Hechdan ko‘ra kech: 40 yoshdan keyin ona bo‘lgan Gollivud yulduzlari

Aksariyat yulduzlar karyeraga o‘zini bag‘ishlab, erta ona bo‘lmaslikni afzal biladi. Ammo bu ularning farzand ko‘rishni istamasligini bildirmaydi.

Yeva Mendes

Avvalroq farzandli bo‘lish rejalari orasida yo‘qligini ta’kidlagan aktrisaning fikri Rayan Goslingni uchratganidan keyin o‘zgargan. Suratga olish maydonchasida bir-birini yoqtirib qolgan juftlik oradan ko‘p o‘tmay farzandli bo‘lgan. Qizi Esmeraldani dunyoga keltirganida aktrisa 40, ikkinchi qizi Amanda tug‘ilganida esa 42 yoshda bo‘lgan.

Salma Xayek

Meksikalik aktrisa Gollivudda o‘z o‘rnini topish uchun ancha ter to‘kib ishlashiga to‘g‘ri kelgan. Bir-biriga ulangan loyihalar va tadbirlar sabab Salmaning shaxsiy hayotga vaqti bo‘lmagan. 40 yoshida aktrisa, va nihoyat, farzandli bo‘lishga qaror qilgan. Milliarder Fransua-Anri Pino bilan turmush qurgan Salma 41 yoshida ilk marta ona bo‘lgan.

Monika Beluchchi

Monika birinchi farzandini 39 yoshida dunyoga keltirgan. Bunga qadar aktrisaning Vensan Kassel bilan bormagan shifokori, o‘tmagan tekshiruvi qolmagan. Mutaxassislar unda homilador bo‘lish ehtimoli juda ham kam ekanligini ma’lum qilgan. Aktrisa 45 yoshida ikkinchi marta ona bo‘lgan. Oradan uch yil o‘tib esa Vansel bilan ajrashgani haqida ma’lum qilgan.

Xolli Berri

Aktrisa kech ona bo‘lgani, 20-21 yoshida farzand dunyoga keltirganidan afzalroq ekanini ta’kidlagan. Xolli Gabriel Obri bilan munosabatlaridan keyin 41 yoshida qizi Nilani dunyoga keltirgan. Oradan 6 yil o‘tib, aktyor Olivye Martines bilan turmush qurganidan keyin esa ikkinchi o‘g‘li tug‘ilgan.

Yeva Longoriya

2017-yilda Yeva va Xose Antonioning farzand kutayotgani haqidagi xabar kutilmagan yangilik bo‘lgan. 42 yoshida homilador bo‘lgan aktrisa o‘g‘il farzandni dunyoga keltirgan.