Filmlardagi qo‘shiqlarni o‘zi ijro etadigan Bollivud yulduzlari (video)

Hind aktyor va aktrisalari chindan ham serqirra ijodkor: rol ijro etadi, raqsga tushadi va hatto qo‘shiq ham kuylaydi. Xo‘sh, Bollivudning qaysi yulduzlari filmlar uchun qo‘shiq kuylagan?

Shradxa Kapur 

Ma’lum bo‘lishicha, yosh aktrisa nafaqat mahorat bilan rol ijro etadi, balki shirali ovozga ham ega. Shradxa bir necha filmlarda kompozitsiyalar ijro etgan.

Ayushmann Xurana

Ayushmanning karyerasida 20 ga yaqin loyiha mavjud. Bundan tashqari u turli teledasturlarda ham ishtirok etadi. Shuningdek, uning vokal qobiliyati ham muxlislari tomonidan alohida ta’kidlangan.

Aliya Bxatt

Hind kino olamida porlab kelayotgan yangi yulduzning ham bir nechta treklari mavjud.

Priyanka Chopra

Priyanka nafaqat Amerika kinematografiyasini, balki musiqa sanoatini ham zabt etmoqda. Aktrisaning ta’kidlashicha, musiqaga muhabbat uning otasidan o‘tgan.

Shruti Xasan

Janubiy hind kino yulduzi vokalga jiddiyroq e’tibor beradi. U Kaliforniya musiqa universitetida o‘qigan. Hindistonga qaytib kelgach, o‘z guruhini tuzgan.

Salmon Xon

Bollivudning eng taniqli aktyori juda yoqimli ovozga ega ekanini tan olish kerak. Uning ijrosidagi bir nechta qo‘shiq allaqachon ommalashib ulgurgan.