Dryu Dober UFC 259 musobaqasidagi bo‘lajak raqibi Islom Maxachevning kamchiligi nimada ekanini aytdi

Yengil vazn toifasida harakat qiladigan Dryu Dober (23-9) UFC 259 musobaqasida Islom Maxachevga (18-1) qarshi jang qiladi. Amerikalik sportchi jang oldidan raqibi haqida fikr bildirdi.

Uning ajoyib kikboksingi bor, u chapaqay, juda tetik jang qiladi. Unda yaqqol kamchiliklar bor deb o‘ylamayman. Fikrimcha, uning eng asosiy kamchiligi — xato qilishdan qo‘rqish.

Umuman olganda u aralash uslubga ega ajoyib jangchi hisoblanadi. Biroq uning xatoga yo‘l qo‘yishini va shundan keyin uni noqulay holatga tushirib qo‘yishimni ko‘rishga sabrim chidamayapti.

Dryu Dober, UFC jangchisi

Eslatib o‘tamiz, Maxachev va Dober o‘rtasidagi jang Toshkent vaqti bilan 7-mart tongida bo‘lib o‘tadi. Shuningdek, UFC 259 musobaqasida uchta chempionlik jangi o‘tkaziladi: Yan Blahovich — Israel Adesanya, Petr Yan — Aljemeyn Sterling, Amanda Nunyes — Megan Anderson.