O‘zbekistonda yangi tartib asosida quriladigan uylar bo‘yicha texnik nazoratni amalga oshirish hududlardagi “Yagona buyurtmachi” xizmatiga yuklatiladi. Bu haqda Prezident Shavkat Mirziyoyev raisligida o‘tkazilgan yig‘ilishda so‘z yuritildi, deya xabar bermoqda “Daryo” muxbiri.
“Uy-joy qurilish sifatini oshirish mas’uliyatini Ochilboy Ramatov va viloyat hokimlari o‘z zimmasiga olishi shart. Bunda uyning bo‘lajak egasi yer ajratishdan boshlab, topshirilishigacha bo‘lgan barcha jarayonlarda ishtirok etishini ta’minlaydigan tizim yaratish zarur. Uyni egasi har kuni kelib, qurilish ishlarini ko‘rsin, quruvchiga xatolarini ko‘rsatsin, sifatni o‘zi ham nazorat qilsin.
Har bir loyiha ipoteka veb-portaliga joylashtirilishi va barcha uchun ochiq e’lon qilinishi, aholi fikrini bildirishi uchun imkoniyat bo‘lishi kerak.
Qurilish vaziri va uning birinchi o‘rinbosari ikki oy muddatda bo‘lajak uy egalariga loyiha planirovkasi, ishlatiladigan qurilish materiallari, narx-navo shakllanishi kabi masalalarni tushuntirib beradigan tizim yaratishi zarur. Shuningdek, Botir Zokirov, viloyat, tuman va hokimlari uylar qurilishiga salohiyatli mutaxassislar, yetarli moddiy-texnik bazaga ega, moliyaviy barqaror pudrat tashkilotlarini reyting tizimi asosida jalb qilishi zarur”, — dedi Prezident.
Mavzuga doir:
- “2021-yilda 54 ming oilani uy-joy bilan ta’minlashimiz zarur” – Shavkat Mirziyoyev
- “Hokimlar bir kvadrat metr uy narxini 4 mln so‘mdan oshirmaslik uchun zarur choralarni ko‘rishi kerak” — Shavkat Mirziyoyev
- Shavkat Mirziyoyev: “Past daromadli aholi uy olish uchun dastlabki badalning 5 foizini to‘laydi, xolos”
- .Shavkat Mirziyoyev quruvchi tashkilotlarga pandemiya davrida berilgan imtiyozlar 2021-yil oxirigacha uzaytirilishini ta’kidladi