“SUM”dagi xarid, Yuranning ayblovi va “Rodina”ga urilgan yagona gol. Oston O‘runovning “Spartak”dagi yarim yili haqida

O‘zbekistonlik yarim himoyachi Oston O‘runovning “Spartak”dagi sarguzashtlari yakuniga yetdi, 19-fevral kuni Moskva klubi uni Rossiya Premyer Ligasi qaydnomasidan chiqarib tashladi va sobiq klubi “Ufa”ga ijaraga berib yubordi. 2020-yilning yozida sotib olingan Oston poytaxtliklar safida deyarli hech narsasi  bilan esda qolmadi.

Oston O‘runov “Ufa” bosh direktori Shamil Gazizov “Spartak”ka o‘tganidan bir oy o‘tib, Moskva klubiga yo‘l oldi. Gazizov “Ufa”da O‘runovni o‘z pullariga sotib olgandi.

“Gazizov o‘zi pul topib, Ostonni sotib oldi. Biz O‘runovni qimmatroq narxda sotishimiz ham mumkin edi, ammo Gazizov uni kerakli deb bilgan joyiga sotdi. Transfer tarixini bilgan holda e’tiroz bildirishga ma’naviy huquqim yo‘q edi. Shamil O‘runovni o‘zi topdi, Rossiyaga o‘zi olib keldi, o‘z pul to‘ladi”, — degandi “Ufa” rahbari Rostislav Murzagulov.

O‘runov Boshqirdistonda juda ajoyib futbol namoyish qildi deb aytish qiyin: olti oy ichida 10 ta uchrashuv o‘tkazib, birorta ham samarali harakatni amalga oshirmadi, biroq ajoyib driblingi bilan yodda qolgandi.

“Spartak” O‘runov uchun millionga yevroga yaqin pul to‘lagan (olti oy oldin “Ufa”, aniqrog‘i Gazizov 150 ming yevro sarflagandi).

“Ketishimdan oldin men “Ufa” rahbariyati bilan gaplashdim va bu yigitni shu miqdorga o‘zim bilan olib ketishimni aytdim. O‘shanda boshqa takliflar yo‘q edi. Va biz kelishuvga erishdik. Keyinchalik ma’lum klublardan ham takliflar bo‘ldi, ehtimol, ular “Spartak”ning taklifini to‘xtatib qo‘yishi ham mumkin edi. Ammo bizda (klublar va odamlar o‘rtasida) kelishuv bor edi va bunday narsalarni hurmat qilish kerak”, — degandi menejer.

“Spartak”da 35 million yangi muxlis paydo bo‘ldi deb aytishimiz mumkin. Bu mamlakatimizning butun aholisi”, — degandi O‘runov jasorat bilan “Spartak”ka o‘tganidan keyinoq.

O‘runov hali debyut qilmasdanoq mojaroga aralashib qoldi: u Instagram sahifasiga Gucci va Louis Vuitton brendlaridan qilgan qimmatbaho xaridlari (“SUM”dagi) suratini joylashtirdi. O‘runov noto‘g‘ri ish qilganini tezda tushundi va suratni o‘chirib tashlagandi. Biroq bu uni tanqidlar yomg‘iridan qutqara olmadi, aksincha, buni yanada kuchaytirdi.

“Spartak” Twitter’da o‘zbek tilidagi akkauntini ham ishga tushirdi, ammo u yerdagi so‘nggi tvit 31-dekabrda e’lon qilingan va 35 million obunachi ham paydo bo‘lmadi — 500 dan sal ko‘proq kuzatuvchi.

O‘runov “Spartak”dagi faoliyati davomida asosan zaxirada o‘tirdi va faqatgina ikki bor asosiy tarkibdan joy oldi: “Rodina”ga qarshi Kubok bahsida (shu o‘yinda u “Spartak” safidagi yagona golini urdi) va “Zenit”ga qarshi o‘yinda (maydon markazidagi boshqa futbolchilarning jarohati borligi tufayli). Shundan so‘ng u 6 uchrashuvda atigi 13 daqiqa o‘tkazdi.

O‘zbek futbolchisining “Spartak”dagi faoliyatini oxirgi pallada Sergey Yuran yoritib berdi: “Hamma uning ko‘rsatilganidan 4-5 yoshga katta ekanligini biladi. O‘zbekistonda bu kabi narsalar... Umuman olganda, bu sir ham emas. Bu ochiq-oydin ko‘rinib turibdi”, — degandi Sergey Yuran.

Natijada, Ostonga aloqasi bo‘lgan har bir kishi futbolchining yonini oldi. Yuranning so‘zlari esa o‘z isbotini topmadi, Rossiya futbol ittifoqi esa uni 250 ming rubl miqdorida jarimaga tortdi.

Ammo bu O‘runovga yordam bermadi. Gazizov klubdan ketganidan keyin futbolchi pozitsiyasini butunlay boy berdi. 2021-yilning 19-fevral kuni esa “Spartak” uni “sport prinsiplari asosida” RPL qaydnomasidan chiqarib tashladi va u kutilganidek “Ufa”ga qaytdi.