NASA Marsda suratga tushish imkonini beradigan servisni ishga tushirdi. “Qizil sayyora” mushuklarga tegishli ko‘rinadi (foto)

Insoniyat Marsni zabt etishni boshlab yubordi va bunda mushuklar hamda AQSh Senati a’zosi Vermon Berni Sandersning suratlari muhim rolni egallamoqda, deb yozadi Meduza.

Gap shundaki, Amerika aerokosmik agentligi (NASA) foydalanuvchilar o‘zini Marsdagi tadqiqotchidek his qilishi uchun suratlar generatorini ishga tushirdi.

Foydalanuvchilar agentlik saytiga kirib, mavjud fonlardan birini tanlashi mumkin: Mars peyzajlari, Atlas raketasi, marsoxod va qo‘mondonlik markazi mavjud. Shundan so‘ng foydalanuvchi o‘z suratini yuklaydi, shu xolos. Paydo bo‘lgan kollajlarni ijtimoiy tarmoqlar orqali #NASA xeshtegi orqali topish mumkin:

Avvalroq BAA tomonidan yaratilgan “Al-Amal” (“Umid”) sayyoralararo stansiyasi 9-fevral kuni Mars orbitasiga muvaffaqiyatli chiqqani to‘g‘risida xabar berilgandi.