Bugun,

  • USD 11095.31
  • RUB 173.84
  • EUR 10772.44

Aktrisa Feruza Normatova ba’zi bir seriallarda suratga tushganidan afsuslanishi, serial ommalashgach, rejissorlarning turli o‘yinlari chiqib qolishi haqida gapirdi.

Foto: YouTube

Foto: YouTube

Bu haqda aktrisa YouTube’dagi YashinTV kanaliga bergan intervyusida ma’lum qildi.

O‘ynagan rollarimdan afsuslangan vaqtlarim bo‘lgan. Ichimdagi gaplarni joyi kelganda aytib olay. Bir loyihani boshlaymiz: ssenariy yoqsa, u loyihada o‘zimni tasavvur qila olsam, shu obrazda nimadir qila olsam, ko‘zim yetsa loyihaga rozi bo‘laman.

Serial suratga olinib, yaxshi darajaga keladi, telekanallarga chiqib, YouTube’da katta qiziqish bilan tomosha qilinadi. Odamlar yaxshi qabul qila boshlagach, rejissorlar aktrisaga pul bergisi kelmay qoladi. Ba’zi shunaqa rejissorlar bor. “Bu ishni men qilyapman-ku, bu aktrisani men tanityapman-ku. Xohlagan vaqtimda bu aktrisani o‘ldirib yuborib, kasal qilib yoki chet elga chiqarib yuborib, o‘rniga boshqa aktrisani olaman, o‘ynab ketaveradi”, deydi. Yoki umuman boshqa sujetlar o‘ylab topiladi va serial boshqa tomonga ketib qoladi.

Bu narsa ko‘p bo‘ldi. Keyin serialning reytingi tushadi. Gap menda emas, tomoshabin bosh qahramonga o‘rganadi, endi bosh qahramon yarmidan yo‘q bo‘lib, boshqalar birinchi darajaga chiqmoqda.

Ba’zi rejissorlarimiz meni almashtirib, o‘rnimga boshqa aktrisa o‘ynatdi. Ammo o‘sha sujet davom etmoqda. Aktrisaga pul bergisi kelmasligidan shunday qilishmoqda. Odamlar “Feruza Normatova qani, nima bo‘ldi, nega bunaqa bo‘ldi?”, deyishmoqda. Xalqning shuncha gapini eshitgandan ko‘ra, o‘sha pulni ber. Bir loyihani boshladingmi, o‘shani oxirigacha davom ettir, tugat. Shunaqa rejissorlarning munosabatini ko‘rib, yo‘q joydan improvizatsiya qilib o‘ynaganimga afsuslanib ketaman. Rejissor o‘zining ishiga jiddiy yondashmaydi. Hayron bo‘lib qolaman, shu loyihaga kelganimdan afsuslanaman.

Feruza Normatova, aktrisa

Izoh
Asosiy yangiliklar
Mahalliy
Nukus voqealari bo‘yicha uch nafar huquqni muhofaza qiluvchi organ xodimi qamoqqa olindi 
Dunyo
G7 davlatlari Xitoy, Shimoliy Koreya va Eronga qarshi sanksiyalar tayyorlamoqda — Bloomberg
Mahalliy
Oʻzbekistonning yanvar oyidagi budjet daromadi ochiqlandi