Yana bir aktyor “Elchining qizi”ni tark etmoqda

“Elchining qizi” serialida barcha voqealarni o‘zgartirayotgan “shamolning esishi” davom etmoqda. Serialni aktyorlardan yana biri  − Bulent Shakrak tark etadi. Bu haqda “KinoTeka” xabar berdi.

Bu safar loyihani tark etish navbati Bulent Shakrakka keldi. Birsen Altantashning so‘zlariga ko‘ra, 2021-yilning 15-fevral kuni serialning 40-qismida tomoshabinlar serial qahramoni – Qahramon Boz bilan xayrlashadi.

Bulent serialda suratga tushish jarayonida uning rafiqasi va bolalari ham yaqin bo‘lish niyatida bir muddatga Bodrumga ko‘chib kelgan edi. Biroq aktyorning rafiqasi Jeyda Duvenji “Yotoqxona” teleserialining suratga olish ishlari uchun Istanbulga qaytishga majbur bo‘lgan. Hamma narsaning ijobiy va salbiy tomonlari bo‘lganidek, hech bo‘lmaganda Bulent yana oilasining yonida bo‘ladi.

Ayni paytda “Elchining qizi” sujeti keskin o‘zarishda davom etmoqda. Aktrisa Tuba Buyukustunning Mavi sifatida namoyon bo‘lishi tufayli yangi voqealar boshlandi. Yangi sujet uchun esa, albatta, yangi qahramonlar kerak.

Eslatib o‘tamiz, avvalroq Neslihan Atagul salomatligida muammo borligi tufayli loyihadagi ishtirokiga nuqta qo‘ygan edi. Shundan so‘ng serialda Menekshe rolini ijro qilgan aktrisa – Tulin Yazkan hamda Sahra obrazida namoyon bo‘lgan Deniz Ishin ham loyihani tark etgan. Keyinchalik Gediz rolini ijro etgan aktyor Uraz Kaygilarog‘lu ham loyihadagi faoliyatini yakunladi. Serialda Elvan rolini gavdalantirayotgan aktrisa Hivda Zizan Alp ham tark etishi haqida ham ma’lum qilingan edi. Shuningdek, Turkiya prezidenti Rajab Toyyib Erdo‘g‘on “Elchining qizi” serialini maxsus mukofot bilan taqdirlagani haqida xabar berilgandi.

Shuncha o‘zgarishlarga qaramay, serialning ashaddiy muxlislari voqealar rivojini katta qiziqish bilan kuzatishda davom etmoqda.