Интернетда февраль ва март ойларида яхшироқ кузатиш мумкин бўлган ажойиб табиат ҳодисаси — шимол ёғдусини тўғридан-тўғри томоша қилиш имконияти пайдо бўлди, деб хабар беради Hi-Tech.Mail.ru.
Камералардаги тасвирланган Explore.org сайти ва YouTube орқали узатилмоқда. Сайтни янги деб атаб бўлмайди — трансляция ҳақида ўтган йилнинг бошида маълум бўлган, бироқ узоқ вақт давомида у ишламаётган эди. Ҳозирда трансляция қайта тикланган.
Канадада шимол ёғдусини кузатишнинг энг яхши вақти декабрда бошланади ва апрель бошига қадар давом этади. Пандемия сабаб уни «жонли» узатиш имкони бўлмаган, шу сабабли Explore компанияси интернет фойдаланувчиларини хурсанд этишга ва онлайн-трансляцияни йўлга қўйишга қарор қилган.
Қуёшдан келган плазма (эркин электронлар ва протонлар) Ернинг магнитосфера қатламига урилганида, улар магнит ёйлари бўйлаб Ернинг қутблари томонга ҳаракатланади. Қутбларда магнит ёйлар атмосферага жуда яқин жойлашгани учун Қуёш заррачалари атмосферадаги кислород, азот ва бошқа газларга урилади. Тўқнашувлар натижасида газ атомларидан катта миқдордаги энергия ёруғлик кўринишида отилиб чиқади. Умумий тасвирда эса инсон кўзига кўринувчи гўзал ва қўрқинчли шимол ёғдулари ҳосил бўлади.
Изоҳ (0)