Bugun,

  • USD 11095.31
  • RUB 173.84
  • EUR 10772.44

Amerikaning Mayami shahrida yashovchi erkak o‘g‘irlangan maymun shaklidagi yumshoq o‘yinchoqlar uchun salkam 5000 dollar to‘lashga tayyor ekanini ma’lum qildi. Bu haqda Local10 telekanalining rasmiy sayti xabar bermoqda.

Foto: Local10

Foto: Local10

Xabarga ko‘ra, Vitas Chansao tasodifan tanishib qolgan ikki ayolni uyiga taklif etgan. Ular Vitasni giyohvand moddasi ta’siriga tushirib, qimmatbaho qo‘l soati va ikkita yumshoq o‘yinchoqni o‘g‘irlab ketgan.

“Aslida, men ehtiyot bo‘lishim kerak edi”, − deydi Vitas.

Ma’lum bo‘lishicha, ikki ayol Vitas hamda uning do‘stiga restoranda birgalikda ichishni taklif qilgan. Shundan so‘ng ular rozi bo‘lgan. To‘rtovlon restoranda biroz o‘tirganidan so‘ng spirtli ichimliklar va tamaki mahsulotlarini xarid qilib, Vitasning uyiga borgan. Ertasi kuni Vitas uyg‘onib, ichimlikka nimadir qo‘shilganini va uyida qo‘l soati hamda ikkita yumshoq o‘yinchog‘i yo‘qolganini payqagan.

Vitasning ta’kidlashicha, ushbu o‘yinchoqlarning biri uning uyida 20 yildan buyon saqlab kelinmoqda. Ikkinchisi esa sobiq sevgilisidan sovg‘a bo‘lgan. O‘g‘irlangan soatning bahosi esa taxminan 125 ming dollarni tashkil etadi.

Vitas soatni boshqasi bilan almashtirish mumkin, deb hisoblaydi. Ammo o‘yinchoqlar uchun katta pul mukofotini to‘lashga tayyor. “Men buni ahmoqona ish ekanligini bilaman, lekin kimdir ularni topsa, 5 ming dollar to‘lashga tayyorman”, − deya ta’kidlaydi Vitas.

Izoh
Asosiy yangiliklar
Biznes
Amazon, Meta, Alphabet va Microsoft xodimlarni qisqartirish uchun 10 mlrd dollardan ko‘proq mablag‘ sarflaydi
Mahalliy
Toshkentda avtokran qulashi oqibatida mashinist vafot etdi (video) 
Mahalliy
Turkmaniston O‘zbekistonga tekinga gaz yetkazib beradi