Amerika Qo‘shma Shtatlarida har yili fevral oyining ikkinchi sanasi “Sug‘ur kuni” sifatida nishonlanadi. Bayram kuni sug‘ur o‘z soyasini sezmasa va xotirjamlik bilan inidan chiqib kelsa, qish tez orada tugaydi. Bordi-yu, u o‘z soyasidan ham qo‘rqib yashirinsa, demak, bahorni uzoq kutish kerak bo‘ladi. Bu safar jonivor o‘zini qanday tutgani va mavsum borasidagi ehtimollar haqidagi savolga quyidagi suratlar orqali javob topish mumkin.
Marosim an’anaviy ravishda Pensilvaniya shtati Panksatoni shahrida o‘tkazildi.
“Sug‘ur kuni” bayramiga odatda minglab tomoshabinlar tashrif buyuradi, ammo koronavirus pandemiyasi tufayli ushbu marosim “virtual” tarzda bo‘lib o‘tdi.
Pandemiya munosabati bilan marosimni kartondan yasalgan tomoshabinlar kuzatib bordi.
“Sug‘ur kuni” marosimi vaqtida.
2021-yil 2-fevral kuni ertalab Panksatonida qor yog‘di. Shuning uchun ham Fil uyasidan chiqishga shoshilmadi.
Tashkilotchilarning biri sug‘urni o‘z uyasidan chiqarib oldi.
Bu hali qish uzoq davom etadi, degan qarorni anglatadi.
Shuning uchun bahorni yana 6 hafta kutishga to‘g‘ri keladi.
Amerikalik iqlimshunoslar Filning bashoratini 39 foizga to‘g‘ri deb hisoblaydi.
Amerikadagi eng mashhur sug‘ur − bu “meteorolog” Fil hisoblanadi.
Izoh (0)