IIV YHXBB Qamchiq dovonida qor yog‘ayotgani sabab haydovchilarni zarurat bo‘lmasa kechki payt yo‘lga chiqmaslikka chaqirdi.

Kadr: Telegram

Ma’lum qilinishicha, Qamchiq dovonida hamon qor yog‘moqda, havo harorati Selsiy bo‘yicha -16 darajaga tushgan.

“Hurmatli haydovchilar, qoidalarga amal qilib, oraliq masofani saqlagan holda harakatlaning, gaz va tormoz tepkisini keskin bosmang”, — deyiladi xabarda.

Avvalroq O‘zbekistonning barcha viloyatlarida qor bo‘roni kuzatilayotgani, hozirda hududiy YHXB va yo‘lga mas’ul xodimlar tomonidan yo‘lni qordan tozalash ishlariga maxsus texnikalar jalb etilgani to‘g‘risida xabar berilgandi. Qor va kuchli shamol Andijon va Xorazm viloyatlarining bir qator tumanlarini chiroqsiz qoldirgan.