Futbol bo‘yicha Italiya Kubogining 1/8 finalidan o‘rin olgan “Fiorentina” va “Inter” jamoalari o‘rtasidagi bahs 13-yanvar, chorshanba kuni bo‘lib o‘tdi.

Foto: Twitter

Uchrashuvning 40-daqiqasida Arturo Vidal penaltini aniq ijro etgan holda milanliklarni oldinga olib chiqdi. Ikkinchi bo‘lim avvalida Kristian Kuame muvozanatni tiklashga erishdi.

Uchrashuv asosiy vaqtining qolgan daqiqalarida hisob o‘zgarmadi va qo‘shimcha bo‘limlarga murojaat qilindi. Qo‘shimcha bo‘limlar yakunlanishi arafasida Romelu Lukaku “Inter”ni keyingi bosqichga olib chiqqan gol muallifiga aylandi.

Shu tariqa Antonio Konte shogirdlari “Milan” ketidan chorak finalga yo‘l oldi.

“Fiorentina” — “Inter” uchrashuvida kiritilgan gollarni bu yerda ko‘rish mumkin — video.

Italiya Kubogi

1/8 final bahsi

13-yanvar, chorshanba

“Fiorentina” — “Inter” 1:2

Gollar: 0:1 – 40, penalti Vidal, 1:1 – 57 Kuame, 1:2 – 119 Lukaku.

“Fiorentina”: Terrachchano, Kaseres (Venuti, 53), Martines, Igor Julio, Biragi, Esserik (Vlaxovich, 52), Amrabat, Bonaventura, Kastrovilli, Milenkovich, Kuame (Kalyexon, 97).

“Inter”: Handanovich, Kolarov, Yang (Hakimi, 69), Ranokkiya, Shkrinyar (de Vrey, 61), Galyardini (Barella, 81), Perishich, Vidal (Brozovich, 94), Eriksen, Sanches, Martines (Lukaku, 69).

Ogohlantirishlar: Esserik (6), Bonaventura (27), Shkrinyar (45), Kuame (58), Eriksen (79), Igor Julio (79), Vidal (84), Hakimi (112), Ranokkiya (117).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!