Rayhon — filolog, Nilufar — yurist, Bahrom Nazarov— temiryo‘l muhandisi. San’atga “ko‘chadan kirib kelgan” mashhurlar (foto)

Jurnalist Nargiza Murodova san’at sohasida tahsil olmay, shu sohada faoliyat yuritayotgan mashhurlarning asl kasblari bilan qiziqdi.

Rayhon

U O‘zbekiston davlat jahon tillari universitetining ingliz tili filologiyasi fakultetida tahsil olgan. Ijodni boshlashdan avval faqatgina fortepiano bo‘yicha mashg‘ulotlarga qatnagan.

Nilufar Usmonova

O‘n yoshida Buyuk Britaniyaning Vinehall School maktabida tahsil olishni boshlagan Nilufar Usmonova keyinchalik Sherborne International College’ni tamomlagan. 2004-yili Toshkentga qaytib, 2006-yili Toshkent davlat yuridik institutiga hujjat topshirgan. Sakkiz yil deganda, institut diplomini qo‘lga kiritgan.

Ulug‘bek Rahmatullayev

U 1999-yil Toshkent davlat sharqshunoslik institutining tarix fakultetiga o‘qishga kirgan.

Ali Otajonov

Otajonovlar sulolasining vakili Ali ham san’at sohasida tahsil olmagan. U Toshkent davlat sharqshunoslik institutining turk filologiyasi fakultetida o‘qigan.

Davron Ergashev

Davron Ergashev asl mutaxassisligi bo‘yicha – iqtisodchi. U Toshkent davlat iqtisodiyot universitetida tahsil olgan.

Otabek Mutalxo‘jayev

U ham san’atdan butunlay uzoq bo‘lgan sohada tahsil olgan. U Toshkent davlat texnika universitetining neft va gaz fakultetida o‘qigan.

Bahrom Nazarov

U Toshkent temiryo‘l muhandislari institutini tamomlagan. Diplomni qo‘lga kiritgach, bir marta poyezd boshqarish baxtiga erishgan.

Shahzoda Matchonova 

U Jahon iqtisodiyoti va diplomatiya universtitetida tahsil olgan. Shunday bo‘lsada, kinodan tashqari, “Diydor” teatr studiyasida faoliyat yuritishga muvaffaq bo‘lgan.

Shahzoda Muhammedova

Shahzoda Muhammedova Toshkent davlat iqtisodiyot universitetining xalqaro turizm fakultetida tahsil olgan.