“Paxtakor” Namanganda o‘tgan finalda OKMKni mag‘lub etib, O‘zbekiston Kubogiga ega chiqdi
Futbol bo‘yicha O‘zbekiston Kubogi finalida OKMK va “Paxtakor” jamoalari 20-dekabr, yakshanba kuni o‘zaro bahs yuritdi.
Uchrashuv teng kurashlar ostida boshlandi, dastlabki daqiqalarda olmaliqliklar faol ko‘ringan bo‘lsa, vaqt o‘tgan sari “Paxtakor” futbolchilarini ustunlikni o‘z tomoniga og‘dirdi.
28-daqiqada Dragan Cheran Doston Hamdamovning uzatmasidan keyin o‘zining kuchli zarbasi bilan hisobni ochdi. Ikkinchi bo‘limning dastlabki daqiqasida Cheran qanotdan uzatilgan to‘pni boshi bilan darvozaga joylab qo‘ydi.
59-daqiqada videotakrorlardan keyin OKMK darvozasi tomon penalti belgilandi. 11 metrlik jarima zarbasini Jaloliddin Masharipov muvaffaqiyatli ijro etdi. Qolgan vaqtda hisob o‘zgarmadi.
Uchrashuvdagi gollar videosini bu yerda ko‘rish mumkin — havola
Shu tariqa “Paxtakor” ketma-ket ikkinchi yili O‘zbekiston Kubogini qo‘lga kiritdi.
Coca-Cola O‘zbekiston Kubogi
Final bahsi
20-dekabr, yakshanba
OKMK — “Paxtakor” 0:3
Gollar: 0:1 – 28 Cheran, 0:2 – 46 Cheran, 0:3 – 59, penalti Masharipov.OKMK: Valijon Rahimov, Akmal Shorahmedov, Sardor Rahmonov, Dilshod Jo‘rayev (Mirjamol Qosimov, 74), Elguja Grigalashvili (Arslonmurat Amanov, 62), Murod Toshmatov (Saydullo Rahmatov, 46), Bahrom Abdurahimov (Jasur Umarov, 74), Mate Vatsadze (Zafar Polvonov, 62), Yovan Jokich, Bobur Yo‘ldoshev, Husniddin G‘ofurov.
“Paxtakor”: Sanjar Quvvatov, Hojiakbar Alijonov, Akrom Komilov (Vladimir Kozak, 89), Anzur Ismoilov, Jaloliddin Masharipov, Dragan Cheran (Javohir Sidiqov, 83), Yegor Krimets, Doston Hamdamov (Hojimat Erkinov, 72), Odil Hamrobekov, Abror Ismoilov (Sardor Sobirxo‘jayev, 72), Eren Derdiyok.
Ogohlantirish: Rahmonov (58).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
