So‘nggi yillarda O‘zbekiston va Turkiya o‘rtasidagi siyosiy-iqtisodiy, harbiy, madaniy aloqalar rivojlanishning yuqori bosqichlarida davom etmoqda, deb xabar beradi DXX matbuot xizmati.
2019-yilning fevral oyida Prezident Shavkat Mirziyoyevning davlat tashrifi bilan Turkiya davlatida bo‘lishi, o‘z navbatida, Turkiya prezidenti Rajab Toyyib Erdo‘g‘onning O‘zbekistonga amaliy tashrif bilan kelishi ikki musulmon davlatlari o‘rtasidagi aloqalarni yanada mustahkamladi.
Shundan so‘ng tomonlarning huquq-tartibot idoralari rahbarlari ham bir necha bor ishchi uchrashuvlari o‘tkazib, hamkorlikni har tomonlama rivojlantirish, birgalikda xalqaro terrorizm hamda uyushgan jinoyatchilikka qarshi kurashishga kelishib oldi.
Ikki davlat o‘rtasida “O‘zbekiston bilan Turkiya o‘rtasida ekstraditsiya to‘g‘risidagi bitim” imzolanib, kuchga kirdi.
Mazkur bitimga ko‘ra, endilikda tomonlar o‘z hududida aniqlangan va boshqa tomon tarafidan qidirilayotgan shaxslarni bir-birlariga ushlab berish majburiyatini o‘z zimmasiga oladi.
Ta’kidlanishicha, hozirda maxsus xizmatlar o‘rtasida ishchan ruhdagi muloqotlar davom etayotgan bo‘lib, kelgusida Turkiya hududida bo‘lgan ko‘plab xalqaro qidiruvdagi O‘zbekiston fuqarolarini mamlakatga ekstraditsiya qilish rejalashtirilmoqda.
Izoh (0)